Om stillinga

Me søkjer engasjert og fagleg interessert vernepleiar til Kvassnesvegen bufellesskap. 

Som vernepleiar blir du ein viktig del av det aktive fagmiljøet ved bufellesskapet vårt. Du vil få ta del i utviklingsarbeid, systemarbeid, samt vere med i eit kollegialt fellesskap der me utviklar oss fagleg og personleg. Me søkjer ein trygg og relasjonssterk fagperson som arbeider i tråd med vedtak og lovverk. 

Me har ledig 100% fast stilling som vernepleiar, med arbeid kvar tredje helg / evt. kvar fjerde helg langvakter. 

Om oss 

Kvassnesveien bufellesskap har 9 leilegheiter og fellesareal med stove og kjøkken, og er heimen til 9 personar med utviklingshemming. Bufellesskapet har heildøgnsbemanning, med våkande nattevakter, og totalt ca. 23 årsverk

Arbeidsoppgåver

• Å rettleie og hjelpe bebuarane med daglege oppgåver og aktivitetar i kvardagen.
• Planlegge og tilrettelegge for gode tenester, 
• Dokumentere naudsynt informasjon og utførte oppgåver i journalsystemet Profil

Kvalifikasjonskrav

• Autorisert helsefagarbeidar 
• Gode norskkunnskapar, munnleg og skriftleg 
• God datakunnskap

Det er ein fordel om du har kjennskap til kap.9

Kven er du?

• Arbeider for gode tenester i tråd med vedtak og lovverk 
• Har gode relasjonelle ferdigheiter og evne til å skapa tillit
• Er god på å samarbeide med pårørande og andre aktuelle samarbeidspartnarar
• Er trygg i deg sjølv, handterer krevjande situasjonar med ro og tydelegheit
• Har gode kommunikasjonsevner og ser betydninga av både små og store augneblinkar i relasjonsbygging
• Ser moglegheiter der andre ser utfordringar, og ikkje er redd for å sei ifrå om ting ikkje fungerar
• Du er ein trygg fagperson som kan reflektera etisk og fagleg over problemstillingar
• Er fleksibel og løysingsorientert

Vi som bur i Kvassnesvegen bufellesskap ønskjer oss ein person som:

• Ser oss, tar seg tid og er til stades for oss
• Kan rettleie og gi oss råd, og hjelpe oss med det me treng hjelp til 
• Hjelpe oss ta gode val utan å bestemme over oss
• Kan oppmuntre, motivere og ha det gøy i lag med oss
• Er blid og i godt humør – I all fall mesteparten av tida.

Me er ein organisasjon i læring! 

Som ein del av arbeidet vert det forventa at du bidrar til ein læringskultur ved å dela kunnskap og utvikla deg i takt med endringar i samfunnet. Du heldt deg oppdatert på relevante arbeidsverktøy, arbeidsmetoder og aktivt tek ansvar for læring, samt fagleg og personleg utvikling. I Habiliteringstenesta arbeider me med vår digitale kompetanse, og nyttar teams i vår informasjonsflyt. Bidrag til å løysa arbeidsoppgåver med ny teknologi eller anna vert godt motteke. 

Me tilbyr

• Ein meiningsfull jobb der du kan gjera ein konkret forskjell i livet til ein person / livet til mange
• Oppfølging og rettleiing
• Årsturnus med moghegheit for innspel på arbeidstid

• Moglegheit til å utvikla ferdigheitene dine i arbeid med relasjonar, sjølvstende og tilhøyrsel

   

• God pensjonsordning i KLP
• Tilsetjing i samsvar med gjeldande lov- og avtaleverk

Politiattest 

I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede

Me er Alver

Me får vere der frå aller fyrste stund, og vi får følgje deg gjennom livet!

. Video: https://www.youtube.com/watch?v=_xHE9zF24G4&ab_channel=Alverkommune

Om Habiliteringstenesta 

Habiliteringstenester i Alver kommune gjev tenester til personar med nedsett funksjonevne/
utviklingshemming. Tenestene vert gitt i den einskilde sin heim, ved arbeids- og aktivitetsenter, 

og som ulike former for avlasting for familiar med born/unge med omfattande behov for omsorg. Inn under habiliteringstenestene finn ein også støttekontaktteneste og koordinatorar for Individuell Plan.