Om stillinga

Ved Nord universitet, Fakultet for lærerutdanning og kunst- og kulturfag, studiestad Nesna, er det ledig eit vikariat som universitetslektor i norsk/ norskdidaktikk for perioden 1. desember 2025 – 31. juli 2026. Stillinga er knytt til utdannings- og forskingsmiljøet ved Nesna.

Stillinga har kontorstad Nesna. Fagmiljøet ved Nord universitet er fordelt på fleire studiestadar, så ulike former for samarbeid mellom vitskapleg tilsette ved fakultetet er viktig, utan omsyn til geografisk plassering.

Stillinga kan også innebere arbeidsoppgåver ved Nord universitet sine andre studiestadar.

Arbeidsoppgåver

Stillinga er i hovudsak tillagt undervisning, praksisoppfølging og rettleiing av bacheloroppgåve på barnehagelærarutdanning, samt FoU-oppgåve og masteroppgåve i grunnskulelærarutdanning. Stillinga er knytt til undervisning på bachelor- og masternivå i norskfaglege emne innan litteratur- og språkdidaktikk.

Lærarutdanningsprofilen og profesjonsretta forsking og utviklingsarbeid er sentrale ved fakultetet, difor er det viktig at den som blir tilsett, er innstilt på å orientere seg mot profesjonsspesifikke problemstillingar.

Det er venta at den som blir tilsett, tar del i og bidreg i utviklinga av fagmiljøet i norsk ved fakultetet, saman med kollegaer. 

Kvalifikasjonskrav 

Kvalifikasjonskrava til stilling som universitetslektor er minimum: 

• høgare grads eksamen eller tilsvarande innan relevant fagområde
• utdanningsfagleg kompetanse
• god munnleg og skriftleg framstillingsevne i norsk (bokmål og nynorsk) og engelsk.

• relevant yrkes- eller undervisningserfaring 

  Søkjarar må dokumentere at dei har grunnleggjande ferdigheiter innan planlegging, gjennomføring, evaluering og utvikling av undervising og rettleiing. Nord universitet har eigne vilkår for utdanningsfagleg kompetanse, sjå meir informasjon på Nords nettsider. 

• Den som blir tilsett i ei midlertidig stilling kan bli pålagt å gjennomføre utdanningsfaglege kurs av mindre omfang . Følgjande minimumskrav gjeld for midlertidige stillingar: Alle som skal undervise og /eller rettleie må minimum gjennomføre dagskurs i utdanningsfagleg kompetanse, før dei kan undervise og rettleie studentar ved Nord universitet.

Ved vurdering og rangering av kvalifiserte søkjarar vil det bli lagt vekt på:

• Erfaring frå undervising og rettleiing på bachelor- og masternivå frå universitets- og høgskolesektoren 
• Pedagogiske kvalifikasjonar
• Relevant yrkespraksis
• God evne til å kommunisere og samarbeide med studentar og kollegaer 
• Personlege eigenskapar som kan bidra positivt til arbeidsmiljøet

Vi tilbyr

Stillinga blir løna etter Statens regulativ, kode 1009 for universitetslektor. Løn etter avtale. 

Frå løna går lovfesta innskot til Statens pensjonskasse.

• God låne-, forsikrings- og pensjonsordning i Statens pensjonskasse
• Kreativt og kollegialt arbeidsmiljø
• Ein arbeidsplass i stadig utvikling
• Fleksibel arbeidstid
• Aktivt bedriftsidrettslag

Generell informasjon

Den som blir tilsett, må rette seg etter dei lover, avtalar og instruksar som til ei kvar tid gjeld for stillinga. Det blir teke atterhald om endring i ansvars- og arbeidsområde som følgje av framtidig organisasjonsutvikling og omorganisering ved Nord universitet.

Den statlege arbeidsstyrken skal i størst mogleg grad spegle mangfaldet i befolkninga. Nord universitet oppfordrar difor kvalifiserte kandidatar med nedsett funksjonsevne, hol i CV'en, innvandrarbakgrunn og elles ulik livserfaring til å søke. 

Opplysingar om nedsett funksjonsevne eller hol i CV kan bli brukte til anonymiserte registreringsføremål.

Kontakt

Nærare opplysing om stillinga får ein ved å ta kontakt med:

• Faggruppeleder May Line R. Tverbakk, e-post: may.l.tverbakk@nord.no, tlf. 75 51 77 38
• Førstelektor Kathrine Fosshei, e-post: kathrine.fosshei@nord.no, tlf. 75 05 78 71

Søknadsprosessen

Aktuelle kandidatar vil bli kalla inn til intervju og prøveførelesing.

Søknad

Send søknad innan 12.10.2025.

Den elektroniske søknaden skal innehalde:

• Søknadsbrev
• Fullstendig curriculum vitae
• Kopi av vitnemål og attestar
• Utdanningsfaglig CV og refleksjonsnotat ihht utfyllande bestemmelsar for utdanningsfaglig kompetanse
• Dokumentasjon på annan aktivitet som vurderast som relevant for stillinga, og som er ønskt teken med i vurderinga
• Kontaktinformasjon til 2-3 referansepersonar

All dokumentasjon som det skal takast omsyn til, skal lastast opp som vedlegg til søknaden.

Fullstendig elektronisk dokumentasjon skal sendast inn innan søknadsfristen.

Etter at søknadsfristen er gått ut blir det utarbeidd ei offentleg søkjarliste. Vi gjer merksam på at opplysingar om søkjaren kan offentleggjerast sjølv etter ønskje om å bli utelaten frå søkjarlista. Søkjarar som likevel bed om konfidensialitet, skal grunngje dette særskilt i søknaden. Søkjarane vil i så fall bli varsla på førehand om offentleggjering.

Referanse: 30236197