Om stillingane

Kunnskapsdepartementet har bestemt at det frå 2025 skal opprettast eit nasjonalt studentombod for fagskulesektoren, og at dette skal ligge i Tromsø. Studentombodstenesta er ei uavhengig rådgjevingsteneste for alle landets fagskulestudentar. Vi søkjer no to medarbeidarar til tenesta – ein med juridisk hovudkompetanse, og ein med breiare fagleg bakgrunn.

Stillingane vil høyre til i avdeling for Universell utforming og læringsmiljø, og leiar for avdelinga sit i Trondheim. Dei som blir tilsett får delta i utforminga av ombodet. I funksjonen som studentombod arbeider du sjølvstendig og uavhengig i tråd med prinsippa for ei ombodsteneste. Stillingane vil ha ei sosial tilknyting til ei av direktoratets avdelingar i Tromsø.

Studentombodet skal gje enkeltstudentar råd og hjelp i sakar knyta til deira studiesituasjon. Ombodet skal bidra til å ivareta studentanes rettstryggleik overfor fagskolen. Ein del av jobben blir å gjere ombodet kjent blant studentar og fagskolar og informere om studentars rettar. Ombodet skal også rapportere på si verksemd, til dømes i linja i direktoratet og til departementet .  Stillingane vil også bli tillagt andre arbeidsoppgåver knytt til høgare yrkesfagleg utdanning, til dømes knytt til læringsmiljø/analyser, konferansar, mv

Då det er 60 fagskular og meir enn 30 000 studentar i Noreg, må det påreknas ein del reiseverksemd, i tillegg til mykje digital samhandling. Dette gjeld begge stillingane. 
 

Arbeidsoppgåver til kvar stilling

Stilling nummer 1 – seniorrådgjevar
Hovudoppgåvene er knytt til utvikling av ombodstenesta, i tillegg til å utøve rolla som ombod når ordninga er oppe og går. Du må vere god til å byggje relasjonar, og trygg i møte med ulike menneske og situasjonar. Ein viktig funksjon for denne stillinga er å rapportere på arbeidet, og evaluere funksjonen som studentombod til bruk for direktorat og oppdragsgjevar. 

Som studentombod vil du også til dømes:

• gje råd og støtte til studentar i spørsmål som gjeld studiekvardagen og rettar
• formidle informasjon om studentrettar, både direkte og gjennom digitale kanalar
• rapportere om studentane si situasjon og bidra til kunnskapsutvikling i sektoren
• drive oppsøkjande verksemd og delta på nasjonale møteplassar i fagskolesektoren
• drive digital rettleiing
• samarbeide med fagskolar, fagmiljø, leiing og andre aktørar
• delta i fagleg utviklingsarbeid og møteverksemd i avdelinga og i direktoratet
• delta i nasjonale og internasjonale nettverk for å utvikle ombodsrolla i ein større samanheng

Stilling nummer 2 – rådgjevar/seniorrådgjevar
I denne stillinga ser vi etter deg som har brei kompetanse innan juridiske fag, kommunikasjon, psykologi, pedagogikk, rådgjeving eller liknande for stillinga. Du må vere god til å byggje relasjonar, og trygg i møte med ulike menneske og situasjonar. Stillinga skal støtte opp i arbeidet med utvikling og evaluering av tenesta. 

Stillinga skal gå inn i studentombodsfunksjonen, og i det ligg også her høg grad av samhandling med studentar og representantar frå fagskulane, direktoratet, departement og andre kontaktar. Stillinga vil ha eit hovudansvar for å utvikle og oppretthalde digital formidling om ombodets tenester. 

Stillinga vil også ha ein del tilsvarande oppgåver retta mot studentane. Døme på dette er:

• gje råd og støtte til studentar i spørsmål som gjeld studiekvardagen og rettar
• formidle informasjon om studentrettar, både direkte og gjennom digitale kanalar
• drive oppsøkjande verksemd og delta på nasjonale møteplassar i fagskolesektoren
• drive digital rettleiing
• samarbeide med fagskolar, fagmiljø, leiing og andre aktørar
• delta i fagleg utviklingsarbeid og møteverksemd i avdelinga og i direktoratet
• delta i nasjonale og internasjonale nettverk for å utvikle ombodsrolla i ein større samanheng
   

Kvalifikasjonar

Til stillinga som seniorrådgjevar må du ha:

• fullført mastergrad (eller tilsvarande) innan rettsvitskap eller tilsvarande. Alternativ kan samfunnsfag eller pedagogikk vurderast, dersom du har juridisk erfaring eller juridiske emne som ein del av utdanninga
• gode skriftlege og munnlege ferdigheiter på norsk, inkludert evne og vilje til å forstå og formidle fagleg kompleksitet til ulike målgrupper 
• erfaring med bruk av elektroniske verktøy som arbeidsverktøy
• gode relasjonelle ferdigheiter og kompetanse
• god til å kommunisere og samarbeide
• høg grad av sjølvstende og evne til å ta initiativ
• gode systematiske evner
• høg integritet og etisk medvit

Til stilling som rådgjevar/seniorrådgjevar må du ha:

• fullført bachelorgrad eller høgare yrkesfagleg utdanning innan relevante fagområdet som jus, samfunnsfag, pedagogikk, kommunikasjon eller liknande. Kandidatar med annan utdanningsbakgrunn, kan vurderast dersom dei har særleg relevant erfaring.
• gode skriftlege og munnlege ferdigheiter på norsk, inkludert evne og vilje til å forstå og formidle fagleg kompleksitet til ulike målgrupper 
• erfaring med bruk av elektroniske verktøy som arbeidsverktøy
• gode relasjonelle ferdigheiter og kompetanse
• god til å kommunisere og samarbeide
• høg grad av sjølvstende og evne til å ta initiativ
• gode systematiske evnar
• høg integritet og etisk medvit

Til begge stillingane er det og ein fordel om du har:

• erfaring frå offentleg forvaltning
• kjennskap til  høgare yrkesfagleg utdanning
• erfaring frå arbeid med studentanes rettar innan utdanningsområdet
   

Hos oss får du:

• eit uformelt og godt fag- og arbeidsmiljø
• høve til fagleg utvikling og kompetanseheving 
• fleksibel arbeidstidsordning
• høve til trening i arbeidstida med inntil 2 timar i veka
• godt tilrettelagte og moderne lokale sentralt i Tromsø
• mobiltelefonordning
• gode kollegaer og meiningsfylte oppgåver
• medlemsskap i Statens pensjonskasse, som mellom anna gjer god pensjonsordning og boliglån med gode vilkår
   

Lønsvilkår

Lønna vert fastsett etter kompetanse og erfaring

• Stillingane vert lønna som seniorrådgjevar/rådgjevar, med ei årslønn mellom kroner 600 000 og kroner 800 000
• For særleg godt kvalifiserte søkjarar kan høgare lønn vurderast
• Medlemskap i Statens pensjonskasse med trekk på  to prosent av lønna til lovfesta innskot
   

Inkluderande arbeidsliv og mangfald

I HK-dir trur vi at mangfald gir oss breiare perspektiv, og at medarbeidarar med ulik livserfaring og fagkombinasjonar vil gjere oss i stand til å finne enda fleire gode løysningar på våre oppdrag. Vi oppmodar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan vise til ei samanhengande yrkeskarriere. Vi legg forholda til rette for personar med nedsett funksjonsevne.

Dersom du har funksjonsnedsetting, innvandrarbakgrunn eller hol i CV-en kan du verte positivt særbehandla dersom du kryssar av for dette når du søker stillinga. Vi inviterer minst éin kvalifisert søkar i kvar av desse gruppene til intervju. For å verte positivt særbehandla på denne måten, må du oppfylle visse krav. Les meir om dette på arbeidsgjevarportalen. Avkryssing i Jobbnorge gir grunnlag for anonymisert statistikk, som alle statlege verksemder rapporterer i sine årsrapportar. 

Offentleg søkjarliste

Vi gjer merksam på at opplysningar om søkjaren kan verte offentleggjort sjølv om søkjaren sjølv ber om ikkje å verte ført opp på søkjarliste, jf. Offentleglova § 25. Søkjaren vert i så tilfelle informert om dette på førehand. 

Søknad og CV

For å ha eit godt vurderingsgrunnlag ber vi deg om å registrere søknad og utfyllande CV i vår rekrutteringsportal og laste opp relevante attestar og vitnemål. Vi oppmodar deg om å gi tilgang til vitnemålsportalen. 

Kontaktperson

Namn: Kjetil Andreas Knarlag

e-post: kjetil.knarlag@hkdir.no

telefon: 977 10 021