Om stillinga og seksjonen

Vi søkjer ein rådgivar med kompetanse innan tenestedesign og prosessforbetring. Du er initiativrik, drivast av å identifisere forbetringsområder og tek ansvar for utvikling. I denne rolla vil du få ei nøkkelposisjon i å vidareføre og styrkje arbeidet med digitalisering og kontinuerleg forbetring ved høgskulen.

Som vår nye tenestedesigner vil du bidra til å kartleggje og utvikle arbeidsprosessar, designe digitale løysingar og legge til rette for effektiv bruk av verktøy og data. Du vil samarbeide tett med utviklarar, IT-personell og einingar på tvers av organisasjonen for å forbetre kvardagen for både studentar og tilsette.

Stillinga er knytt til Seksjon for digitalisering og dokumentasjonsforvaltning, som er organisert under IT-avdelinga. Seksjonen har seks faste tilsette som er opptatt av å ha det kjekt saman på jobb og som arbeider saman for å levere tenester av høg kvalitet. Du vil rapportere til seksjonsleiar.

Hovudoppgåver

• designe prosesskart for utvikling av digitale løysingar for utviklarar og einingar
• identifisere problemområde og gje råd om løysingar for automatisering og forbetring
• koordinere prosessforbetring, mellom anna i form av å halde workshops
• ha oversikt over digitaliseringsprosjekt på NHH og i UH-sektoren
• organisere og koordinere systemeigarforum
• haldast oppdatert på tenesteutvikling i sektoren og i relevante fagfora

Du må rekne med endringar i arbeidsoppgåver over tid.

Kvalifikasjonskrav 

• utdanning frå universitet eller høgskule, fortrinnsvis på masternivå (relevant realkompetanse kan i nokre tilfelle erstatte utdanningskravet)
• tre års relevant erfaring, gjerne frå tenestedesign og prosessforbetring
• god skriftleg og munnleg formuleringsevne på norsk og engelsk 
• god digital kompetanse, med kjennskap til Microsoft Power Automate, SharePoint eller tilsvarande

Det er ein føremon om du har 

• sertifisering i metodar som Agile, Design Thinking, LEAN, Service Blueprinting eller tilsvarande
• erfaring frå offentleg sektor
• erfaring frå arbeid i Azure DevOps eller tilsvarande
• kjennskap til moglegheitene i PowerApps

Personlege eigenskapar

Vi ser etter deg som er/har

• særs gode samarbeidsevner og kommuniserer på en tillitsvekkjande måte som ivaretek fleire interessentar
• sjølvstendig, initiativrik, evne til å identifisere forbetringsområder og sjå løysingar
• analytisk
• driv og pågangsmot og evne til å jobbe målretta og strukturert

NHH tilbyr

• gode utviklingsmoglegheiter
• eit godt arbeidsmiljø 
• fleksibel arbeidstidsordning 
• gode forsikrings-, pensjons- og låneordningar i Statens pensjonskasse (www.spk.no)
• inkluderande arbeidsliv
• velferdstilbod som subsidiert trening og bedriftshytte

Stillinga har kode 1434 – rådgivar og er løna med kr 630 000 – 720 000 per år avhengig av kvalifikasjonar. For særleg kvalifiserte søkarar kan høgare lønn bli vurdert. 

Generell informasjon

NHH legg vekt på mangfald. Vi oppmodar derfor alle som er kvalifiserte om å søkje stillinga utan omsyn til kjønn, alder, funksjonshemming, kulturell bakgrunn og/eller hol i CV-en. 

Vi gjer merksam på at opplysningar om søkjarar kan bli offentleggjorde sjølv om søkjarane har bede om å vere unnatekne frå søkjarlista. Søkjarar vert orientert om dette på førehand.

Nærare informasjon om stillinga kan du få ved å kontakte seksjonsleiar Sigrun Synnøve Solbakken Tengesdal, +47 95942811.

Søknadsfrist 31.08.2025.