UiB – Kunnskap som formar samfunnet

Gjennom eit sterkt og tett samspel med omverda – globalt, nasjonalt og lokalt – skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

. Video: https://youtu.be/vtJLmcUJ3-w

Stipendiat i datastyrte forteljingssystem ved Senter for digitale forteljingar

Velkomen som søkjar til ei stipendiatstilling i datastyrte forteljingssystem ved Senter for digitale forteljingar, Institutt for lingvistiske, litterære og estetiske studium. Planlagd oppstart er 1. september 2025 eller etter avtale. Stillinga er for ein åremålsperiode på tre år.

Om Senter for digitale forteljingar

Stillinga er knytt til Senter for digitale forteljingar, eit norsk senter for framifrå forsking. CDN fokuserer på algoritmisk narrativitet, nye miljø og materialiteter, og kulturelle kontekstar i endring. Vi vil undersøke korleis interaksjonar mellom menneskelege forfattarar og ikkje-menneskelege aktørar resulterer i nye forteljingsformer, korleis materialiteten til digitale forteljingar har endra seg, og korleis kulturelle kontekstar endrar digitale forteljingars bruk og funksjon. 

Senter for digitale forteljingar er eit dynamisk forskingsmiljø plassert i hjarta av Universitetet i Bergens campus. Aktivitetane ved senteret inkluderer forskingsgruppemøte, interaksjonar med internasjonale forskingsleiarar innan digitale forteljingar, forskaropplæring, ph.d.-sommarskular, hyppige symposier og utstillingar.

Om ph.d.-prosjektet og arbeidsoppgåver

Ph.d.-prosjektet vil undersøke forteljingar gjennom datastyrte modeller, til dømes dei som er basert på prosesser for historieforteljing, kreativ skriving, kognitiv vitskap, narrativ teori, og/eller teoriar om kreativitet.

Kandidaten vil utføre samarbeidande så vel som individuell forsking ved senterets gruppe for «Computational Narrative Systems», leia av professor Nick Montfort saman med professor Rafael Pérez y Pérez. Arbeidet inkluderer utvikling av nye datastøtta modellar av forteljingar og reimplementering av historiske modeller, også kjent som "historiefortellingssystemer", slik at dei lett kan studerast og nyttast.

Ph.d.-stipendiaten vil ta del i arrangement, sommarskular, workshopar og seminar som vert arrangert i regi av senteret.

Om stipendiatstillinga og forskarutdanninga:

Stipendiatstillinga har som hovudmål å leie fram til ein ph.d.-grad, som kvalifiserer for sjølvstendig forskingsverksemd og for anna arbeid i samfunnet som krev særleg kompetanse. Samla stipendperiode er tre år, der 2,5 år er sett av til arbeid med sjølve doktorgradsprosjektet. Dei resterande seks månadene er satt av til denne opplæringsdelen. 

Stipendiatar skal delta i Det humanistiske fakultetet sitt ph.d.-program. Ph.d.-programmet inneheld ein opplæringsdel på 30 studiepoeng, som til saman utgjer eitt semester.

 Kvalifikasjonar og eigenskapar:

• Søkjar må ha norsk mastergrad eller tilsvarande utanlandsk grad i digital kultur, digital humaniora, komputasjonelle medium, litteraturstudium, mediestudium, kreativ skriving eller eit beslekta felt, inkludert informatikk. Det er ein føresetnad at mastergraden er oppnådd innan søknadsfristen går ut. Annan grad enn norsk mastergrad blir vurderte etter krav frå Direktoratet for høyere utdanning og kompetanse, og opptakskrava for ph.d.-programmet ved Det humanistiske fakultet.
• Søkjar må kunne arbeide sjølvstendig, strukturert, og ha gode samarbeidsevner. 
• Søkjar må beherske engelsk, både skriftleg og munnleg.

Erfaring innan nokre av desse områda vil vere ein føremon:

• Akademisk forsking på digitale narrativ på masternivå, og spesielt forsking på datastyrte forteljingssystem. 
• Tidlegare publisering av forsking eller forskingskommunikasjon.
• Bruk av dataprogrammering som metode for forsking og undersøkingar.

Søkjarar vil bli vurderte etter opptakskrav frå Det humanistiske fakultet, etter Ph.d.-programmets pkt. 2.1.

Søkjarar må leggje fram ei prosjektskisse til eit forskingsprosjekt som skal munne ut i ei doktorgradsavhandling, samt ein framdriftsplan for prosjektet.  

Ved vurderinga av søknadene blir det lagt vekt på den vitskaplege kvaliteten i prosjekta, kor gjennomførleg dei skisserte prosjekta er, samt dei faglege grunnkvalifikasjonane hjå søkjarane. Det vil vidare bli lagt vekt på fagstrategiske omsyn, motivasjon og kor personleg eigna søkjarane er. 

Vi tilbyr:

• Eit godt og fagleg utfordrande arbeidsmiljø. 
• Brutto årslønn på kroner 560 000 i full stilling (kode 1017). Vidare lønsopprykk skjer etter ansiennitet i stillinga. 
• Medlemskap i Statens pensjonskasse.  
• Gode velferdsordningar

Slik søkjer du stillinga:

Søknaden skal sendast elektronisk via lenkja «SØK STILLINGA» på denne sida. Søkjaren må nytte det elektroniske CV-skjemaet. Søknaden skal innehalde:

• Prosjektskisse (inntil fem sider/12 000 teikn medrekna mellomrom, litteraturliste ikkje medrekna). Prosjektskissa skal skildre det vitskapelege prosjektet tydeleg, med forskingsbakgrunn, hovudproblemstillingar, teori, metode, etiske aspekt, ein tidsplan for gjennomføring og det valgte empiriske materialet.
• Litteraturliste for prosjektskissa.   
• Framdriftsplan for prosjektet.   
• Ei kort utgreiing om søkjaren sine forskingsinteresser og motivasjonen for å søkje stillinga. 
• CV.  
• Karakterutskrift og vitnemål for bachelor- og mastergrad. Dersom omfanget på masteroppgåva ikkje er oppgitt i karakterutskrifta eller vitnemålet for mastergraden, må det leggjast ved stadfesting frå den gradgjevande institusjonen som spesifiserer oppgåva sitt omfang i ECTS. 
• Eit kort samandrag av masteroppgåva eller tilsvarande oppgåve (inntil tre sider).  
• Liste over eventuelle faglege publikasjonar (publikasjonsliste).  
• Eventuelle publikasjonar (inntil tre). 
• Relevante attestar.  
• Namn og kontaktopplysningar til to referansepersonar, der ein av desse må vere hovudrettleiaren frå masteroppgåva eller tilsvarande oppgåve.    

Søknad og vedlegg må vere på norsk, eit anna skandinavisk språk eller engelsk. Dokumentasjon på andre språk må følgjast av attestert omsetjing. Vedlegga kan vere i Word- eller PDF-format, og må lastast opp i Jobbnorge innan søknadsfristen. 

Den sakkunnige komiteen kan i særskilde tilfelle be om ettersending av dokumentasjon. 

Aktuelle søkjarar vil bli invitert til intervju. 

Nærare om tilsettingsprosessen her.  

Andre opplysningar: 

Kandidatar som tidlegare har hatt doktorgradsstipend ved Universitetet i Bergen, kan ikkje søkje.  

Tilsetjingsperioden kan bli redusert dersom den som blir tilsett tidlegare har vore tilsett i rekrutteringsstilling.   

Tilsetjing i stillinga krev at ein har sin daglege arbeidsplass ved Universitetet i Bergen, og at ein rettar seg etter dei retningslinene som til ei kvar tid gjeld for stillinga.  

Generell informasjon:

Utfyllande opplysningar om stillinga kan ein få ved å kontakte professor Nick Montfort, e-post: nick.montfort@uib.no, eller administrativ prosjektleiar Ola Roth Johnsen, telefon: +47 55589136, e-post: ola.johnsen@uib.no..

Spørsmål om den elektroniske søknadsprosessen kan rettast til Det humanistiske fakultet på e-post: fakadm@hf.uib.no. 

Internasjonalt senter ved UiB har informasjon om å flytte til Noreg for internasjonale søkarar.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette. 

Vi oppmodar menn om å søkje. Dersom fleire søkarar har tilnærma like kvalifikasjonar, gjeld reglane for moderat kjønnskvotering.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. 

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.  

Livet som ph.d.-kandidat ved UiB

Astrid Nybø forteller om livet og arbeidshverdagen som ph.d.-kandidat ved UiB.

. Video: https://www.youtube.com/watch?v=Eo3Z63yzkKA&list=PLf8ZIYfAO0qjhROTj6SthDbSScg0lSO6G&index=5