Stillingsinformasjon

Det er ledig 100 % vikariat i Psykisk helseteam og rusomsorg i perioden 01.05.2025 – 30.04.2026, med mogelegheit for forlenging/fast tilsetjing.
Det er lyst etter sjukepleiar/vernepleiar/sosionom, men andre med anna relevant utdanning kan også søkje.

Tenesta er ei lågterskelteneste og yter tenester til personar med psykiske plager og/eller rusproblematikk. Organisatorisk er tenesta plassert i eininga Helse, saman med legetenesta, helsestasjon og ergo- /fysioterapitenesta og har kontorplass på Helsesenteret i Gaupne.

Psykisk helseteam og rusomsorg er tverrfagleg samansett med psykiatriske sjukepleiarar, vernepleiarar med og utan vidareutdanning i psykisk helsearbeid, ruskonsulent, erfaringskonsulent og psykolog, til saman 8,1 årsverk. Tenesta følgjer opp vaksne (over 18 år) med utfordringar knytt til psykisk helse og/eller rus, frå lettare utfordringar til meir alvorleg og langvarig problematikk. Tenesta har fokus på helsefremjande arbeid, der tiltak og aktivitet som blir sett i verk skal bidra til betring, meistring og ein meiningsfull kvardag for den enkelte. Aktuelt er drift av møteplassen "Huset", oppfølging i heimen, støttesamtalar, rettleiing, Rask Psykisk Helsehjelp m.m

Ansvar og arbeidsoppgåver 

• Individuell oppfølging og støttesamtalar
• Tverrfagleg samarbeid internt i teamet og med samarbeidspartnarar
• Dokumentasjon i Gerica
• Inneber ikkje turnusarbeid, men det vil sporadisk vere arbeid på kveldstid i samband med møteplassen

Kvalifikasjonar 

• 3-årig helse og sosialfag ev. anna relevant høgskuleutdanning
• Vidareutdanning innan psykisk helse/rus er ynskjeleg
• Erfaring med støttesamtalar/terapeutiske samtalar eller frå arbeid innan psykisk helse og rus vil vere eit fortrinn
• Gode samarbeidsevner
• Interesse for fagleg utvikling og kvalitetsforbetring
• God datakunnskap og interesse for digitale fagsystem
• Gode norsk kvalifikasjonar, både munnleg og skriftleg
• Førarkort for personbil

Me legg vekt på

• Engasjement og interesse for brukargruppa
• Relasjonskompetanse
• Trygg og sjølvstendig i eigen fagutøving
• Evne til å arbeide strukturert og sjølvstendig
• Fleksibel og løysningsfokusert
• Gode kommunikasjonsevner og samarbeidsevner
• Ansvarsbevisst og løysingsorientert
• Verdsetje andre sin kompetanse og dele av eigen
• Vere ein aktiv bidragsytar til fagutvikling og eit positivt arbeidsmiljø
• Det vil bli lagt stor vekt på personlege eigenskapar

Me kan tilby

• Arbeid i ein veldriven kommune med gode og sikre rammevilkår
• Eit godt og stabilt arbeidsmiljø med høg fagkompetanse
• Gode moglegheiter for fagleg utvikling
• Utfordrande arbeidsoppgåver
• Kommunale tilsetjingsvilkår med gode pensjons- og forsikringsordningar
• Løn etter gjeldande tariff og avtaleverk.

Andre opplysningar 

• Administrasjonsmålet i kommunen er nynorsk.
• Alle faste nytilsetjingar vert gjort med ei prøvetid på 6 månader.
• Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
• Søknadar må leverast innan fristen og må sendast inn via rekrutteringssystemet vårt EasyCruit.

Link til søknadsskjema: Søk her