Hafslo omsorgssenter ligg flott til i fine omgjevnadar sentralt på Hafslo.

Tilsette ved Hafslo omsorgssenter yter tenester til omsorgsplass for personar med demenssjukdom, omsorgsbustadar og til heimebuande. I tillegg har me eit dagsenter for personar med demenssjukdom. Me søkjer sjukepleiar/vernepleiar som kan arbeide fleksibelt innan alle tenesteområda i eininga; omsorgsplass, heimetenesta og dagsenter. Me har fokus på personsentrert omsorg og miljøbehandling.

Me søkjer deg som er motivert, fagleg engasjert, sjølvstendig og som er eit positivt tilskot til kollegagruppa vår.

Stillingsinformasjon:

• Me har ledig 80% fast stilling som sjukepleiar/vernepleiar frå 01.08.25. Det er mogleg med 100% fast stilling dersom det er ynskjeleg. Stillinga inngår i turnus med arbeid 3.kvar helg, kan vere mogleg med langvakter 4.kvar helg 
• Som sjukepleiar/vernepleiar på Hafslo omsorgssenter vert du ein del av eit fagleg dyktig team med mykje erfaring og kompetanse. Me legg stor vekt på utvikling og kompetanseheving i eininga vår

Arbeidsoppgåver:

• Sjukepleiefaglege oppgåver som medikamenthandtering, lindrande behandling, sårstell med meir
• Heilskapleg pleie og omsorg til bebuarar i alle einingar
• Medansvarleg for at det vert laga og gjennomført tiltak og behandling i samsvar med den enkelte brukar sine behov
• Bidra til aktivitet og omsorg som fremjar livskvalitet
• Ansvar for journalføring og kommunikasjon med brukar og pårørande ut i frå retningslinjer
• Rettleie og følgje opp elevar, studentar og nytilsette
• Vere medansvarleg for eit godt arbeidsmiljø

Kvalifikasjonar:

• Offentleg godkjend sjukepleiar/vernepleiar
• Førarkort klasse B
• Erfaring/kompetanse innan demensomsorg er ynskjeleg
• Beherske norsk, skriftleg og munnleg

Me legg vekt på:

• Gode kommunikasjonsevner
• Gode samarbeidsevner og evner til å arbeide sjølvstendig og løysingsorientert
• Personlege eigenskapar
• Fagleg engasjert med interesse for eldreomsorg

Me kan tilby:

• Arbeid i ein veldriven kommune med gode og sikre rammevilkår
• Eit godt og stabilt arbeidsmiljø med høg fagkompetanse
• Gode moglegheiter for fagleg utvikling
• Kommunale tilsetjingsvilkår med gode pensjons- og forsikringsordningar
• Løn etter gjeldande tariff og avtaleverk

Andre opplysningar

• Administrasjonsmålet i kommunen er nynorsk
• Alle faste nytilsetjingar vert gjort med ei prøvetid på 6 månader
• Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort
• Søknadar må leverast innan fristen og må sendast inn via rekrutteringssystemet vårt EasyCruit

Link til søknadsskjema: Søk her