Sivilforsvaret har ledig ei spanande stilling med varierte arbeidsoppgåver og stor grad av sjølvstende ved Sogn og Fjordane sivilforsvarsdistrikt. Vi ser etter deg som har erfaring frå samfunnstryggleik- og beredskapsarbeid, og har interesse for å vera med å vidareutvikla vår evne til å beskytta sivilbefolkninga i heile krisespekteret.   
 
Sivilforsvaret er ein spanande etat i utvikling. Denne stillinga inneber gode moglegheiter til eigenutvikling og til å være med og forme innhald. 
 
 
Du skal:  

• vera distriktssjefen sin faste stedfortreder og stabssjef når stab blir sett ved større beredskapshendingar 
• vidareutvikle distriktets sine samla kapasitetar og ha hovudansvar for planlegging og gjennomføring av øvingar i heile fagspekteret, samt bidra i rekruttering av nye tenestepliktige 
• ha ansvar for utarbeiding/revisjon av tryggleiksdokument, ROS-analyser, beredskapsanalysar, tiltakskort og planverk  
• samarbeida og samvirke med regionale samvirkeaktørar i Vestland 
• sakshandsame og utføre administrative oppgåver 
• inngå i distriktet sin vaktordning 

  
 
Kvalifikasjonar 
 
Du må ha:

• relevant bachelorgrad. Annan høgskuleutdanning kombinert med relevant erfaring kan kompensera for kravet til bachelorgrad. Utanlandsk utdanning må vera godkjent av Direktoratet for høgare utdanning og kompetanse 
• erfaring frå samfunnstryggleiks- og beredskapsarbeid 
• erfaring frå opplæring, undervisning og/eller føredrag  
• god kompetanse innan offentleg forvaltning og verksemdstyring 
• god norsk munnleg og skriftleg framstillingsevne 
• førarkort minimum klasse B 
• følgande personlege eigenskapar 
  • utviklingsorientert. Evner å halde seg oppdatert, sjå mogelegheiter og bidra til stadig utvikling for styrking av distriktet sine leveransar til samfunnet.  
  • sjølvstendig. Følger opp planer og tildelte arbeidsoppgåver og tek avgjersler innanfor eige fagfelt når det er påkravd. 
  • strukturert. Evner å følge opp prioriteringar innan tidsfristar for felles måloppnåing. Evner å styre arbeidsdagen sjølv, i samsvar med arbeidsplanar og forankra intensjonar. 
  • gode pedagogiske evner. Kommuniserer godt og tilpassa publikum/mottakarar, der bodskap presenterast og formidlast presist og forståeleg. 
  • lagspelar. Bidreg til distriktet si heilskaplege oppgåveløysing. Bidreg til at distriktet når gjevne mål, hjelper til der det trengst og speler kvarandre gode. Anerkjenner ulikskap og deler erfaringar og informasjon uoppfordra. Er påliteleg og truverdig. Har evne og interesse for å pleie god tovegs dialog med tenestepliktige mannskap. 

 Vi ønsker at du har: 

• erfaring med planlegging og gjennomføring av operativ øving og trening 
• relevant operativ leiarerfaring 
• erfaring frå utgreiings- og analysearbeid 
• grunnleggjande praktisk forståing for drift av operativt materiell 
• god munnleg og skriftleg framstillingsevne på engelsk 
• førarkort klasse BE og C1

  
Vilkår 
Fast stilling som Sivilforsvarsinspektør (stillingskode 0332) med årslønn frå kr 668 000 – 720 000. I tillegg tilkjem kompensasjon for vakt, øving, reiser og overtid. 
 
Tryggleiksklarering: Den som får tilbod om stillinga må kunne tryggleiksklarerast for HEMMELEG før tiltreding. 
 
 
Om Sivilforsvaret, distriktet og stillinga  
Sivilforsvaret er ein uniformert etat underlagt Direktoratet for samfunnstryggleik og beredskap (DSB) og leiast av Sjef Sivilforsvaret. Sivilforsvaret består i fredstid av 8000 tenestepliktige mannskap som er fordelt på 20 sivilforsvarsdistrikt, som kvar leiast av ein distriktssjef. Sentralt nivå er organisert gjennom Sivilforsvarsavdelinga som består av to seksjonar og eit økonomi- og styringssekretariat leia av assisterande sjef Sivilforsvaret.  
Sivilforsvarets hovudoppdrag er å beskytte befolkninga i krise og krig. Sivilforsvaret har mynde og ansvar for ei rekkje sivile beskyttelsestiltak. I fredstid skal Sivilforsvaret sørge for at det blir oppretthaldt god beredskap i heile landet og støtter som forsterkningsressurs når naudetatane og andre styremakter treng ekstra ressursar.  
Sivilforsvaret er organisert med lokale, regionale og nasjonale innsatsstyrker beståande av tenestepliktige mannskap og befal. Eit eige kompetansesenter har ansvaret for utdanning og opplæring. Det er totalt ca. 230 tilsette i Sivilforsvaret, fordelt på distrikta og Sivilforsvarsavdelinga. Den viktigaste ressursen er dei tenestepliktige som blir kalla ut til innsats i ulike oppdrag frå nord til sør. Sivilforsvaret bidreg også internasjonalt med ulike kapasitetar. 
Sogn og Fjordane sivilforsvarsdistrikt har 357 tenestepliktige mannskap og 6 årsverk for fast tilsette. Vi er operativt og administrativt ansvarlege for Sivilforsvaret i Sogn og Fjordane. Våre tenestepliktige er fordelt på 14 innsatsavdelingar og 6 Radiac-lag som har ansvar for deteksjon av radiologisk forureining. Avdelingane er plassert over heile distriktet frå Aurland i sør til Stad i nord. 
Distriktskontoret ligg på Granden 25 i Sogndal. 
Dine hovudarbeidsoppgåver er å være fast stedfortreder for distriktssjef, og inneha rolla som stabssjef når stab blir sett ved større beredskapshendingar. 
Du vil og væra sentral i arbeidet med å vidareutvikle distriktets samla kapasitetar gjennom øvingsplanlegging og øvingsgjennomføring. I tillegg forventast det at du arbeidar tett opp mot dei andre beredskaps- og samvirkeaktørane og legg til rette for god samhandling. 
I øvings- og samvirkearbeidet må det påreknast periodar med reiseaktivitet/reisedøgn.
Oppmøte- og arbeidsstad er ved distriktskontoret på Granden i Sogndal.
 
 
Om DSB
Direktoratet for samfunnstryggleik og beredskap (DSB) skal ha oversikt over risiko og sårbarheit i samfunnet. Vi er pådrivar i arbeidet med å førebyggje ulukker og kriser, og bidreg til effektiv ulukkes- og krisehandtering. Hovudkontoret ligg i Tønsberg, og vi har einingar over heile landet. Til saman er vi ca. 700 tilsette. DSB er underlagt Justis- og beredskapsdepartementet.
 
 
Om å jobbe i DSB
Risiko og sårbarheit i samfunnet er i stadig endring. Difor er DSB ein organisasjon i kontinuerleg utvikling. Vi treng medarbeidarar som er tillitskapande, kompetente og gode lagspelarar, og som aktivt bidreg til fornying og forbetring. Som tilsett i DSB er du med på å løyse eit viktig samfunnsoppdrag, saman med dyktige og dedikerte kollegaer. Vi ønskjer oss auka mangfald i organisasjonen, og håpar derfor at også kvalifiserte personar med innvandrarbakgrunn, hol i CV-en eller nedsett funksjonsevne vil søkje hos oss. DSB er ein stabil arbeidsgjevar med gode velferdsprdningar. For å arbeida i DSB må du vera tryggleiksmessig skikka og medverke til ein god kultur for tryggleik. Les meir om tryggleik i DSB på www.dsb.no/om-dsb/jobb-i-dsb/rekrutteringsprosessen/sikkerhet-i-dsb
 
 
Hos oss får du

• medlemskap i Statens pensjonskasse (SPK). Som medlem får du verdifulle fordelar gjennom særs gode pensjons-, forsikrings- og boliglånordningar. Les meir om medlemsfordelane på www.spk.no/Medlemskap-i-SPK/
• fleksibel arbeidstid
• bedriftshelseteneste
• høve til å trene i arbeidstida
• tilrettelagt for mobilt kontor når det er føremålstenleg

  
 
I Arbeidsgivarportalen kan du lese meir om goda ved å jobbe i staten: https://arbeidsgiver.dfo.no/lonn-goder-og-reise
 
 
Offentleg søkjarliste
Det vil bli utarbeidd offentleg søkjarliste ved søknadsfristens utløp, jf. Offentleglova §25. Du har høve til å be om unntak frå offentleg innsyn. Dersom du ikkje får innvilga dette, vil du bli varsla om det før søkjarlistene blir utarbeidde. Sjølv om du har fått innvilga unntak frå offentlegheit, vil du framkomme på ei utvida søkjarliste. Denne er berre tilgjengeleg på førespurnad frå andre søkjarar til stillinga.
 
 
Praktisk informasjon om søknadsprosessen
Det er viktig at du registrerer all relevant utdanning og erfaring i profilen du lagar i rekrutteringssystemet. Dette sikrar at vi har opplysningane vi treng. I tillegg er det naudsynt at du lastar opp både søknadsbrevet og CV-en som vedlegg i PDF-format. For alle stillingar som ikkje krev tryggleiksklarering, vil DSB gjennomføre bakgrunnssjekk. Interne søkjarar må sende inn søknaden i DFØ HR. Les meir om rekrutteringsprosessen i DSB på www.dsb.no/om-dsb/jobb-i-dsb/rekrutteringsprosessen
 
 
Ikkje nøl med å ta kontakt dersom du har spørsmål! Kontaktperson er 
Distriktssjef Stein Morten Rønningen: e-post stein.ronningen@dsb.no, telefon 57 62 88 61
 
Du finn meir informasjon om å jobbe i DSB på www.dsb.no/om-dsb/jobb-i-dsb og ein oppdatert oversikt over utlyste stillingar finn du alltid på jobb.dsb.no/search 
 
Velkomen som søkjar hos oss!