Høgskulen på Vestlandet, Avdeling for HR har ledig stilling som seniorkonsulent/rådgjevar

Om stillinga:

Vi har ledig fast stilling som  seniorkonsulent/rådgjevar i Avdeling for HR ved Høgskulen på Vestlandet. Du vil få ein sentral rolle i utvikling og oppfølging av HMS-arbeid, støtte leiarar i personal- og arbeidsmiljøsaker, og bidra til eit trygt og godt arbeidsmiljø ved høgskulen. Stillinga byr på varierte oppgåver i eit kompetent og tverrfagleg miljø.

Det er ønskeleg med oppstart så snart som muleg.

Arbeidsstaden er ved campus Førde, Sogndal, Bergen, Stord eller Haugesund.

Ansvars- og arbeidsoppgåver:

• Utvikle og vedlikehalde HMS-prosessar, prosedyrar, rutinar og verktøy 
• Støtte fakultet/avdelingar i HMS-arbeid, risikovurderingar, avvikshandtering og oppfølging av tiltak 
• Rådgiving om sikker bruk av spesialrom og kjemikaliehandtering 
• Førebyggje sjukefråvær, kartleggje årsaker og gi leiarstøtte i nærversarbeid 
• Gi leiarstøtte og sakshandsame personal-, konflikt- og varslingssaker 
• Bidra til leiaropplæring og rettleiing 
• Utføre drifts- og sakshandsaming innan HMS/HR og samarbeide med vernetenesta 

• Bidra til digitalisering og effektivisering av HMS/HR-prosessar 

  Andre HR-oppgåver kan bli tillagt stillinga ved behov.

   

Kvalifikasjonskrav:

Formell utdanning og kompetanse:

• Utdanning på minimum bachelornivå, fortrinnsvis mastergrad, relevant innanfor fagområdet HMS/HR

   

Ønska kvalifikasjonar:

• Kunnskap om grunnleggande HMS verktøy og prosessar 
• Kompetanse og erfaring innan risikovurdering 
• Erfaring med arbeidsmiljøarbeid og sjukefråværsoppfølging 
• Erfaring med rådgjeving og rettleiing 
• God forståing av digitalisering og bruk av digitale verktøy

Personlege eigenskapar:

• Evne til å arbeide sjølvstendig og strukturert 
• Gode samarbeids- og kommunikasjonsevner 
• God munnleg og skriftleg framstillingsevne, både på norsk og engelsk 

• Fleksibel og serviceinnstilt

   

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving – og utvikling
• Høve for trening i arbeidstida

Stillinga som seniorkonsulent/rådgjevar er løna etter Statens lønsregulativ, i stillingskode 1363 – seniorkonsulent, 1434 – rådgjevar.

Frå løna vil det bli trekt 2 % innskot til Statens pensjonskasse.

Korleis søke på stillinga?

Send søknad og CV ved å klikke på knappen merka ”Søk stilling” på denne sida.

Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søknadar kan ikkje sendast på e-post til enkeltpersonar ved høgskulen.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.

Arbeids- og opphaldsløyve i Norge er ein føresetnad for å tiltre stillinga. 

Høgskulen på Vestlandet er underlagt eksportkontrollforskriften. Forskrifta kan komme til anvending i behandlinga av søknadane.

Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.

Kontaktpersonar ved Høgskulen på Vestlandet er:

1) Avdelingsleiar for HR-avdelinga, Anette Olene Fristad, anette.olene.fristad@hvl.no, 55 58 58 12

2)  Fagansvarleg, Liv Synnøve Bøyum, liv.boyum@hvl.no, 57 67 61 24

Inkludere, utfordre og samhandle

Les meir på våre heimesider.