Om stillinga

Statens vegvesen satsar tungt på ein meir effektiv og brukarvenleg digital arbeidskvardag. No søkjer vi ein seksjonsleiar for seksjonen vår for Microsoft 365 og RPA. Her får du høve til å leie fleire tverrfaglege teknologimiljø og bidra til betre arbeidsprosessar og auka verdiskaping i heile verksemda.

Vi ser etter deg som kombinerer teknologiforståing med forretningsforståing og gode leiareigenskapar, og som brenn for å skape konkrete forbetringar gjennom smarte digitale løysingar.

Kva går jobben ut på?
Som seksjonsleiar for Microsoft 365 og RPA får du ansvar for å:

• Leie og utvikle seksjonen sine fagmiljø innanM365 og RPA
• Sette strategisk retning for fagområda i seksjonen i tråd med verksemda sine overordna strategiar
• Sikre god forvaltning og vidareutvikling av Microsoft 365-porteføljen, inkludert SharePoint, Teams, Power BI og Copilot
• Drive fram innføring og forvaltning av ny funksjonalitet, inkludert tredjeparts integrasjonar og CopilotStudio
• Utvikle prosessar og støtte for bruk av Power BI i heile organisasjonen
• Leie arbeidet med å utvikle og skalere RPA-løysingar på UiPath-plattforma
• Samarbeide tett med andre fagmiljø, teamleiarar og interessentar for å realisere nytte og gevinstar
• Bidra til effektiv plattformforvaltning og sikre god støtte for brukarane av løysingane

Kompetansekrav

Vi trur du har:

• Bachelorgrad innan relevant fagområde. Lang erfaring kan kompensere for utdanningskravet.
• Erfaring med leiing av teknologimiljø eller digitaliseringsprosjekt.
• God forståing for M365-plattforma og/eller erfaring med RPA-løysingar.
• Evne til å omsetje behov til løysingar som gir verdi for brukarar og organisasjonen.
• Erfaring med samarbeid i store og komplekse organisasjonar.
• Gode kommunikasjonsevner og evne til å skape retning og gjennomføring.

Kven er du?
Du er ein trygg og tydelegleiar med engasjement for teknologi som skaper nytte. Du blir motivert av å bygge sterke fagmiljø, utvikle gode prosessar og levere resultat saman med andre. Du evnar å tenkje heilskapleg, samstundes som du har eit blikk for detaljane som får ting til å fungere i praksis.

Kvifor skal du velja oss?

Som tilsett i Statens vegvesen blir du ein del av eit solid og kunnskapsdelande fagmiljø. Du påverkar samfunnsutviklinga og får bidra til framtidsretta løysingar på ditt fagfelt. Vi gir deg ansvarsfulle oppgåver og du vil få utvikle deg, både fagleg og personleg, i takt med nye utfordringar i samfunnet. Vi tek godt i mot deg, og du blir ein del av eit fellesskap med godt arbeidsmiljø i heile landet.

Vi tilbyr deg også desse goda:

• fleksitid og gode ordningar for å avspasere
• god pensjonsordning og moglegheiter for lån i Statens pensjonskasse
• moglegheit for trening i arbeidstida eller støtte til treningsaktivitet
• gode moglegheiter for fagleg påfyll

Lønn blir avtalt i samsvar med lønnspolitikken vår.

Testar og bakgrunnssjekk

Vi bruker arbeidspsykologiske testar for å vurdere kandidatars eigenskapar, ferdigheiter og kvalifikasjonar for stillinga. Desse testane bidreg til å sikre ei rettferdig og objektiv vurdering av alle kandidatar, og dei hjelper oss med å finne den mest kvalifiserte personen for stillinga. Vi bruker også bakgrunnssjekk på utvalde stillingar for å verifisere og søkje etter informasjon som kan ha noko å seie for rekrutteringsprosessen.

Positiv særbehandling

Statens vegvesen verdset mangfald og ønskjer ein inkluderande arbeidsplass. Me oppmodar alle kvalifiserte kandidatar til å søkja. Kvalifiserte søkjarar med funksjonsnedsetjing, hol i CV-en eller innvandrarbakgrunn vil få moglegheit for positiv særbehandling. Les meir om positiv særbehandling på arbeidsgivarportalen.

Søkjarlista er offentleg

Dersom du ynskjer å reservere deg frå oppføring på offentleg søkjarliste, må dette grunngjevast. Viss vi ikkje kan ta ynsket ditt til følgje, tek vi kontakt med deg.

Har du spørsmål om stillinga?

Kontakt leiar Linn Raknes Solbakken på tlf: 98879579