Er du på jakt etter dyktige og gode kollegaer i eit triveleg arbeidsmiljø? Ønsker du deg ei passeleg listelengd og ryddige arbeidsforhold med faste administrasjonsdagar? Vil du helst ha fastlegeløn? Eller har du lyst til å vera sjølvstendig utan krav om å kjøpa deg inn i privatpraksis? Då er Årdal det rette for deg!

Me har ledig fastlegeheimel i moderne og veldrivne lokale ved Årdal legekontor. Her held etablerte legar og turnuslegar til i same miljø, saman med eit solid kollegium av anna helsepersonell.

Det er 7- delt daglegvakt på kontoret i Årdal, i tillegg til at Årdal har 12- delt vaktturnus i interkommunallegevakt ved Lærdal sjukehus med varierte arbeidsoppgåver og breitt fagmiljø.

Kombinasjonen av storslagen natur med fjord og fjell og mangfaldig tilbod av kultur- og fritidstilbod, gjer Årdal til ei perle av eit lokalsamfunn der du vil bli godt motteken. Me syter for bustad og har dessutan tilflyttarteneste som hjelper til med å finna jobb til ektefelle/sambuar og koble dykk på eventuelle fritidsinteresser.

Årdal kommune nyttar journalsystemet CGM WinMed3.

Løn etter avtale ved tilsetjing i fastlønna stilling. 2 % vert trekt til tariffesta tenestepensjon. Me tilbyr gjensidig forpliktande utdanningsplan mot spesialisering.

For å kunne bli ein av oss må du:

–           vera offentleg godkjend lege med norsk autorisasjon og ha gjennomført norsk turnusteneste eller tilsvarande

–          ha gode norskkunnskapar, både munnleg og skriftleg

–          ha førarkort for bil og godkjend politiattest.

Alle søknader vert vurdert fortløpande, søknadsfrist kan bli utvida.

Ta gjerne kontakt med kommuneoverlege Frode Myklebust på telefon 915 17 550, Frode.Myklebust@laerdal.kommune.no eller kommunalsjef Marita Opheim, telefon 995 21 531, marita.opheim@ardal.kommune.no.

Link til søknadsskjema: Søk her