Er du ein leiar som tek vare på mangfaldet blant elevane, og vil utvikle profesjonsfellesskapet i skulen? Vil du setje retning og bidra med å utvikle ein framtidsretta vidaregåande skule i Bergen vest?

Vestland fylkeskommune søkjer ein engasjert, utviklingsorientert og tydeleg rektor til Olsvikåsen vidaregåande skule. Rektor må ha evne og vilje til å vidareutvikle skulen og kvaliteten i opplæringa. Vi har som ambisjon og målsetjing at alle elevar som tar til i vidaregåande skule skal fullføra, og at opplæringstilbodet heile tida vert forbetra.

Skulen har om lag 550 elevar og tilbyr programområda helse- og oppvekstfag, studiespesialiserande, og kunst, design og arkitektur. I tillegg til tilbodet i helse- og oppvekstfag med ordinært opplæringstilbod, er det tilbod om helse- og oppvekstfag som inkluderer studiespesialiserande fag. Innanfor særskilt tilrettelagt opplæring har skulen tilbod om kvardagslivstrening og arbeidstrening. Olsvikåsen videregående skole er plassert sentralt i Bergen vest, med gode busstilbod til Askøy, Sotra og Bergen. Skulen legg vekt på å vere framtidsretta, samfunnsorientert og fagleg oppdatert og siktar seg heile tida inn på å ha eit trygt og utviklande lærings- og arbeidsmiljø.

Det er forventa at rektor er ein aktiv bidragsytar og vil medverke til å oppfylle samfunnsoppdraget: Vi set retning, engasjerer og samhandlar for å utvikle gode tenester og eit framtidsretta Vestland.

Arbeidsoppgåver

• Utvikle skulen i samsvar med mål og visjon for skuleeigar
• Sikre eit trygt og godt skulemiljø og god medverknad frå elevane 
• Sikre eit godt arbeidsmiljø for dei tilsette, fagleg utvikling, god medverknad og kulturbygging 
• Vidareutvikle leiargruppa som eit samla og effektivt team 
• Leie strategi- og utviklingsprosessar 
• Leie skulen sitt pedagogiske utviklingsarbeid og kompetanseutvikling  
• Personalleiing  
• Utvikle samhandling med rettleiingstenesta  
• Ivareta medverknad mot arbeids- og næringsliv, opplæringskontor og andre samarbeidspartar 
• Økonomistyring 

Kvalifikasjonar

Den som vert tilsett må stette dei formelle krava i Opplæringslova § 9-1: ”Den som skal tilsetjast som rektor, må ha pedagogisk kompetanse og nødvendige leiareigenskapar”.

Det er ønskjeleg at du:  

• set elevane si læring og deira utvikling i sentrum for skulen sitt arbeid
• har god kjennskap til vidaregåande opplæring og relevant erfaring 
• har praksis frå utviklingsarbeid og god gjennomføringsevne
• markerer skulen som ein sentral utdanningsinstitusjon i lokalmiljøet og arbeider heilskapleg og forpliktande saman med lokalt arbeidsliv
• har gode leiareigenskapar, relevant leiarerfaring og leiarutdanning
• byggjer eit sterkt fagleg profesjonsfellesskap og ein verdibasert kultur som heile tida søkjer vidare utvikling
• opptrer tydeleg som arbeidsgivar og gjennomfører politiske og administrative vedtak

Erfaring utanfor opplæringssektoren kan òg vektleggjast. 

Personlege eigenskapar

Din leiingspraksis er kjenneteikna av at du:

• er open, nytenkjande og tillitsskapande 
• arbeider målretta, systematisk og løysingsforkusert
• har gode kommunikasjonsevner og evne til å skape tryggleik i krevjande situasjonar  
• har gode samarbeidsevner og er sosial og inkluderande  

Vi tilbyr

• givande arbeid med ungdom og vaksne i vidaregåande opplæring i eit arbeidsmiljø med høg fagleg kompetanse 
• ein raus organisasjonskultur der vi vil kvarandre vel, ser kvarandre og bidrar til fellesskapet 
• deltaking og fellesskap i rektorkollegiet og leiarutviklingsprogram 
• løn etter avtale 
• fylkeskommunale tilsetjingsvilkår med gode pensjons- og forsikringsordningar 

Vestland fylkeskommune legg vekt på godt samarbeid, tett dialog og oppfølging mellom rektorane og avdelingsdirektøren for opplæring og kompetanse. 

Tilsetting skjer på grunnlag av lov- og avtaleverk og føreset godkjent politiattest.

Kontaktinformasjon

Odd Bjarne Hammersvik Berdal, områdeleiar, 99233975, odd.bjarne.hammersvik.berdal@vlfk.no

Arbeidsstad

Olsvikåsen 152
5183 Olsvik

Nøkkelinformasjon:

Arbeidsgivar: Vestland fylkeskommune

Referansenr.: 4996311120
Stillingsprosent: 100%
Fast
Søknadsfrist: 25.08.2025