Vil du bidra til å løyse samfunnsoppdraget til Tolletaten? Regelverket for grensekryssande vareførsel har aldri vore viktigare. Vareførselsdivisjonen i Bergen søkjer etter 3 juristar (seniorrådgivar) som kan støtte oppdraget vårt 
 
Tolletaten har ei viktig rolle som samfunnsbeskyttar, og samfunnsoppdraget vårt er å sikre etterleving av lover og reglar for grensekryssande vareførsel. I tråd med verksemdsstrategien til etaten skal digital dialog og tidleg informasjonsinnhenting gi rask, effektiv og korrekt handtering av varestraumane. Brei og målretta verkemiddelbruk skal bidra til auka etterleving før, under og etter grensepassering.
 
Vareførselsdivisjonen (VD) skal leggje til rette for korrekt og effektiv inn- og utførsel av varer for både næringslivet og privatpersonar og er etablert med hovudkontor i Bergen. Divisjonen står framfor mange utviklingsoppdrag, og vi er i gang med fleire endrings- og utviklingsprosjekt.
 
Juridisk seksjon har p.t. 18 tilsette inkludert leiaren. Den primære rolla til seksjonen er som nasjonal eining for regelverks- og prosedyreutvikling. Juridisk seksjon skal yte juridisk bistand til Vareførselsdivisjonen og til eksterne aktørar som har behov for avklaring av komplekse juridiske spørsmål innanfor ansvarsområdet vårt.  Vi søkjer no etter fleire juristar for å styrkje laget vårt særleg i høve til regelverksutvikling. 
 
Kva går jobben ut på? 
Hos oss skal du jobbe med regelverksutvikling og rettslege avklaringar av komplekse problemstillingar innanfor vareførselsfaget. Du får bidra med juridiske avklaringar i dagsaktuelle saker som har stor betydning for samfunnet. Arbeidet vil vere knytt til utviklingsprosjekt, regelverks- og prosedyreutvikling og utgreiing av juridiske problemstillingar innanfor ei rekkje ulike regelverk, både nasjonale og internasjonale. 
Du må rekne med at det blir litt reising. 
 
 
Sentrale arbeidsoppgåver:

• leie og delta i utgreiingar, prosjekt og arbeidsgrupper
• identifisere behov for og greie ut prinsipielle regelverksavklaringar i digitaliseringsprosjekt
• være pådrivar for regelverksutvikling knytt til prosjekt
• bidra til utforming og identifisere behov for styrande dokument i prosess og prosjekt
• yte juridisk bistand til Vareførselsdivisjonen og andre delar av Tolletaten innanfor vareførselsfaget

 
 
Kvalifikasjonar:

• juridisk embetseksamen, master i rettsvitskap eller LLM i EU- og EØS-rett
• god fagleg kunnskap og godt fagleg skjønn
• gode kommunikasjonsevner både skriftleg og munnleg (norsk og engelsk)
• brei relevant arbeidserfaring

 
 
Det er krav om erfaring frå minst eit av følgande punkt:

• erfaring med å leie prosessar, arbeidsgrupper eller liknande
• erfaring frå juridisk utviklingsarbeid
• erfaring frå digitaliseringsarbeid

 
 
Det er ynskeleg med:

• kompetanse innan personvern
• erfaring frå internasjonal rett og EØS-rettslege spørsmål

 
 
Vi søkjer deg som

• har gode samarbeidsevner, lyttar og bidreg til godt samarbeid i interne og eksterne arbeidsgrupper
• trivst med å gå i djupna og jobbe analytisk med komplekse regelverk
• er trygg i eiga rolle og har tillit til eigne faglege evner
• har evne til å ta initiativ og er løysingsorientert
• er strukturert, trivst med å handtere mange oppgåver samtidig, og leverer god kvalitet innanfor fristen

 
Kva kan vi tilby deg?

• interessante juridiske oppgåver som vil gi deg kompetanse innanfor mellom anna vareførselsregelverket, skatterettslege spørsmål, regelverk som følgjer av internasjonale avtalar, og regelverket til dei samarbeidande aktørane våre 
• eit fagleg miljø med høg kompetanse og engasjerte kollegaer
• ei fleksibel arbeidstidsordning
• moglegheit for bevegelse i arbeidstida (BiA)
• høve til å leige feriestadene til Tolletaten
• arbeidsstad i moderne kontorlokale i Solheimsviken, med innandørs sykkelparkering, treningsrom, garderobar og tilgang til ei veldriven kantine
• gode pensjons-, forsikrings- og låneordningar i Statens pensjonskassel
• lønn som seniorrådgivar i lønnsspennet kr 700.000 til kr 825.000, avhengig av erfaring og kvalifikasjonar. For spesielt kvalifiserte søkjarar kan høgare lønn vurderast.

 
 
Verdt å merkje seg
Vi vil at du skal føle deg trygg på valet når du takkar ja til å jobbe hos oss, derfor tilbyr vi deg som er aktuell for stillinga, ein omvend referansesjekk. Det betyr at du kan ringje nokre av medarbeidarane våre og stille dei spørsmåla du måtte ønskje, for å finne ut om vi er ein god match. 
 
Dersom dette høyrest ut som ei stilling du er interessert i og har lyst til å vite meir om, er du velkommen til å kontakte seksjonssjef Åse Tordahl Nøstbakken på telefon  992 60 035.
 
 
 
Til deg som søker jobb i Tolletaten
Vi nyttar Semac bakgrunnssjekk i samband med våre tilsetjingar.
Du må fylle ut felta «Utdanning» og «Arbeidserfaring» og laste opp relevante vitnemål og eventuelle attestar.
I Tolletaten meiner vi at mangfald og inkludering er ei styrke, og vi har nulltoleranse for trakassering og diskriminering. Vi er avhengige av medarbeidarar med ulik bakgrunn, kompetanse og erfaringar for å løyse vårt samfunnsoppdrag. Dersom du har hol i CV-en, funksjonsnedsetting eller innvandrarbakgrunn, oppmodar vi deg til å krysse av for dette då du kan ha rett til positiv særbehandling. Les meir om dette på arbeidsgivarportalen.