Vil du bli vår nye kollega?
Vi har ledig fast stilling som psykolog eller psykologspesialist, med ønskje om snarleg tilsetjing.

Avdeling for Tverrfagleg spesialisert behandling (TSB) er ein del av spesialisthelsetenesta i Helse Møre og Romsdal. Her jobbar eit tverrfagleg team som gir behandlingstilbod til personar med avhengigheit knytt til rusmiddel, vanedannande medikament, anabole steroider og spel. Vi tilbyr òg støtte til pårørande.
Fagmiljøet vårt er breitt samansett og omfattar russpesialistar, psykiatarar, legar, psykologar og psykologspesialistar, samt helse- og sosialfagleg personell med vidareutdanning.

Langtids døgnavdeling TSB i Molde har 15 sengeplassar. Pasientane våre har ofte utfordringar knytt til både legale og illegale rusmiddel, og mange har tilleggslidingar som psykiske helseplager, vanskeleg følelsesregulering og traumeproblematikk. Behandlinga varer i 26 veker.
Seksjonen har implementert ein behandlingsmodell som kombinerer traumebehandling Narrativ eksponeringsterapi (NET) og Dialektisk åtferdsterapi (DBT). Dette er òg tema for eit pågåande PhD-prosjekt, der psykologane våre spelar ei sentral rolle.

Vi tilbyr heilskapleg behandling der vi ser heile mennesket, og legg stor vekt på familie- og nettverksarbeid. Som psykologspesialist vil du bidra med fagleg kompetanse innan utgreiing, diagnostisering og behandling, og vere ein viktig del av det tverrfaglege samarbeidet. Alle pasientar får ein pasientansvarleg koordinator som følgjer opp behandlingsforløpet og sikrar kvalitet i tråd med pakkeforløp TSB.

Som psykolog eller psykologspesialist vil du få høve til å bruke din fagkompetanse både i direkte pasientarbeid og i utviklinga av det tverrfaglege behandlingstilbodet.

Arbeidsoppgåver

• Kartlegging og utgreiing av funksjonsevne innan rus og psykisk helse
• Deltaking i tverrfagleg team
• Psykologiske vurderingar, diagnostisering og behandling
• Individuelt behandlingsansvar
• Fagleg utviklingsarbeid og rettleiing 
• Eksternt samarbeid og undervisning

Kvalifikasjonar

• Norsk autorisasjon som psykolog eller psykologspesialist, ev psykologlisens som fører til autorisasjon
• Det er ønskjeleg med klinisk erfaring frå rus/ psykiatri 
• Må ha gode munnlege og skriftlege norskkunnskapar 

Vi ber om at attestar og vitnemål vert lasta opp som vedlegg til søknaden din.

Personlege eigenskapar

• Du har god relasjonskompetanse 
• Du er ein positiv og ansvarsmedviten kollega som kan arbeide både sjølvstendig og i eit tverrfagleg samarbeid
• Du er fleksibel og open for endring
• Du har evne til å handtere travle og krevjande dagar
• Ved tilsetjing vil vi leggje vekt på gode evner til kommunikasjon med pasientar, pårørande og samarbeidspartnarar
• Du har god skriftlig framstilingsevne

Å vere personleg eigna vert vektlagt ved tilsetting. 

Vi tilbyr

• Rekrutteringstillegg for autorisert psykolog/ psykologspesialist
• Sterkt tverrfagleg samarbeid
• Ein inkluderande arbeidsplass
• Løn etter gjeldande overeinskomstar
• Medlemskap i god offentleg pensjonsordning og fordelaktige forsikringsvilkår
• Eit godt og triveleg arbeidsmiljø med faglege og erfarne medarbeidare
• Internundervisning, rettleiing, eigne fagdagar og personalseminar
• FOU arbeid og moglegheit for forskning

Molde er rosens, jazzens og kulturens by, og ikkje minst eit eldorado for fjellturer, alpint, klatring, golf, seiling og padling. Byen er barnevennleg med nærleik til skule, barnehage og fritidstilbod. Vi har fleire daglege flyavgangar til Oslo og internasjonale ruter. Molde by fornyar seg med m.a. ny sjøfront og fleire spennande kaféer og spisestader. Les meir om Molde og Romsdalen her

Kontaktinformasjon

Øyvind Dahl Indbjør, Teamkoordinator, 71219800, Oyvind.Dahl.Indbjor@helse-mr.no

Arbeidsstad

Glomstuvegen 50
6411 Molde

Nøkkelinformasjon:

Arbeidsgivar: Helse Møre og Romsdal HF

Referansenr.: 4991361069
Stillingsprosent: 100%
Fast
Søknadsfrist: 24.08.2025