Om stillinga

Er du ein engasjert fagperson med interesse for å gjera ein forskjell innan psykisk helse og rus? Ønskjer du å bidra til utvikling av tenester for menneske med samtidige rus- og psykiske lidingar (ROP)? 

Me søkjer ein dedikert medarbeidar til ei prosjektstilling innan psykisk helse med eit spesielt fokus på ROP. Målet med prosjektet er å styrkja heilskaplege tenester og skape betre livskvalitet for brukarane. Stillinga er mellombels i prosjekt i eitt år, men med moglegheit for forlenging ved vidare prosjektmidlar.

Prosjektet skal:

• Følgja opp- og vidareutvikla eksisterande tenester til personar med ROP-lidingar
• Kartleggja behov og utvikla nye tenester til personar med samansette behov innan rus og psykisk helse
• Utarbeida rutinar for tverrfagleg og tverrsektoriell samhandling med relevante aktørar i og utanfor kommunen 
• Bidra i det bustadsosiale arbeidet i kommunen
• Etablera rutinar for systematisk brukar- og pårørandemedverknad på individ-, teneste- og systemnivå

Arbeidsoppgåver

• Oppfølging av personar med samansette behov innan rus og psykisk helse
• Oppfølging og rettleiing av pårørande
• Tverrfagleg og tverrsektoriell samhandling
• Utvikling og implementering av tenester for å auka meistring og livskvalitet
• Dokumentasjon og rapportering av resultat

Kvalifikasjonar

• Treårig helse- eller sosialfagleg høgskule
• Relevant erfaring frå arbeid med målgruppa er ein føresetnad
• Relevant tverrfagleg vidareutdanning innan rusproblematikk og/eller psykisk helsearbeid er ein fordel
• God kjennskap til lover og forskrifter
• God munnleg og skriftleg framstillingsevne på norsk
• Personlege eigenskapar vil bli vektlagde
• Det er krav om førarkort klasse B
• Gyldig politiattest må leggjast fram før tiltreding

Personlege eigenskapar

• Du har evne til å skapa tillit og etablera gode relasjonar 
• Du har gode samarbeids- og kommunikasjonsevner, både internt og på tvers av tenester 
• Du er sjølvstendig, fleksibel og løysingsorientert
• Du har evne til å jobba strukturert og fordele tida di mellom ulike oppgåver

Vi tilbyr

• Utfordrande og lærerikt arbeid i eit engasjert og fagleg kompetent arbeidsfellesskap 
• Eit fagmiljø under utvikling som du får vere med å påverke og utvikle 
• Løn etter avtale, og gode pensjons- og forsikringsordningar