Om stillinga

Gulen kommune har ledig 100% fast stilling som plansjef. Oppstart etter avtale. Stillinga ligg under sektor samfunn, og er ei spanande stilling i ein kommune i rask utvikling, med eit ambisiøst og pulserande næringsliv. Kommunen har i tillegg ein rik og mangfaldig natur med lang kystlinje. 

Som plansjef vil du arbeide tett saman med fleire einingar i høve utvikling av Gulen kommune, og jobbe i hjartet av samfunnsutviklinga i kommunen gjennom handsaming, planlegging og utviklingsarbeid. Til stillinga vil det, blant anna, ligge sakshandsaming av reguleringsplanar og overordna plan- og utviklingsarbeid i Gulen kommune.

Dersom du er samfunnsengasjert, trivast med å leie motiverte tilsette, glad i utfordringar og varierte arbeidsoppgåver på tvers av fagområde, så er dette ei annonse du kan sjekke ut!

Me tilbyr

• Ein spanande og variert arbeidskvardag 
• Digitaliseringskompetanse
• Godt arbeidsmiljø
• Gode moglegheiter til å utvikle deg, ta initiativ og styre din eigen arbeidskvardag
• Gode forsikrings- og pensjonsordningar 
• Me har fleksitid, og kan vurdere delvis heimekontorløysing ved behov
• Løn etter avtale 

Arbeidsoppgåver

• Fagleg ansvar for arealplanlegginga
• Saksførebuing til politisk behandling
• Prosessleiar og deltakar i utarbeiding av overordna planar og strategiar, samt utviklingsprosjekt
• Tett dialog med innbyggjarar og næringsliv, både generelt og ved handsaming av konkrete planar
• Elles andre oppgåver som måtte kome til 

Me er på jakt etter nokon som vert motivert av å bidra til utvikling av kommunen. Du vil vere kommunen sin kontaktperson opp mot tiltakshavarar og næringslivet i planleggings- og utbyggingssaker. Du vil jobbe for gode prosessar og god kommunikasjon, og vere løysingsorientert og sjølvstendig. Du likar også å samarbeide med politikarar, fagmyndigheiter, innbyggjarar og næringsliv.

Kvalifikasjonar 

• Relevant høgare utdanning innan relevante fagområde, som til dømes bygg- og miljø, arkitektur, juss eller arealplanlegging 
• Relevant erfaring kan kompensere for eventuell manglande høgare utdanning 
• God til å setje deg inn i nye digitale system 
• Det er ynskjeleg at du har kjennskap til plan- og bygningslova, samt anna relevant lovverk 
• Gode framstillingsevner og forståing for forvaltninga sine prosesser

Personlege eigenskapar

• God rolleforståing og utøver tydeleg og fagleg leiarskap i arealprosessane
• Vert motivert av å medverke til utvikling av kommunen
• Strukturert, systematisk og leverer arbeid av god kvalitet
• Løysingsorientert, fleksibel og sørvisinnstilt 
• Har gode samarbeidsevner og er ein god lagspelar for kollegaer 
• Å vere personleg eigna vil verte vektlagt ved tilsetjing

Sletting av studielån! 

Bur du i Gulen kommune og er i jobb kan du få sletta 25 000kr av studielånet ditt (oppteninga startar 01.01.2025, som gir gjeldssletting tidlegast 01.01.2026). Du kan få sletta lån kvart år til det er nedbetalt. Alle yrkesaktive som bur i ein av dei 189 kommunane på SSBs sentralitetsnivå 5 og 6 frå 01.01.2025, eller flyttar hit når som helst etter denne datoen, vil etter eitt år kunne få sletta 25 000kr i året. Tiltaket gjeld alle typar utdanningsgjeld, uavhengig av når den er teken opp (kjelde,www.regjeringa.no). 

Anna

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• Me gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjen høve til å trekke søknaden sin før offentleggjering.