Ålesund videregående skole søker ein framoverlent, strukturert og sjølvstendig organisasjonsrådgivar.

Stillinga vil arbeide tett opp mot skoleleiinga, og vil ha ein viktig støttefunksjon til det strategiske og administrative arbeidet ved skolen. Er du ein person som trivst godt med stor breidde i arbeidsoppgåvene, og som vert inspirert av å jobbe med mange ulike saker og samarbeide med ulike menneske, er dette kanskje din draumejobb. 

Du vil vere ein aktiv rådgivar som tar initiativ, kjem med idear og vågar å utfordre og stille spørsmål. Er du i tillegg ein som naturlig trår til og tar ansvar for å hjelpe kollegaer med å lukkast, er du sannsynlegvis den vi søkjer etter.

Arbeidsoppgåver

• Kommunikasjon, intern og ekstern
• Saksførebung og sakshandsaming innafor opplæringlova og forvaltningslova sine område
• Støtte i inntaksarbeidet
• Koordinering og oppfølging av skolens HMS-arbeid
• Koordinering av skoleårsplanlegging i plattforma InSchool
• Bidra til utvikling og revisjon av skolens kvalitetssikringssystem
• Støtte i arbeidet med eksamen

 Innhaldet i oppgåver vil kunne endre seg, og kan på sikt innebere arbeid på andre fagområde enn dei som er nevnt her.

Kvalifikasjonar

Den vi søker etter, har relevant høgare utdanning på minimum bachelornivå, gjerne med formalkompetanse innan administrative fag, kommunikasjonsfeltet eller juridiske fag. Du har gode IKT-ferdigheiter, og vil kunne sette deg inn i nye digitale verktøy.
Du har gode kommunikasjonsevner både skriftleg og munnleg, og kan effektivt utføre mindre og større oppgåver.

Spesielt relevant erfaring kan kompensere for kravet til formalkompetanse.

Personlege eigenskapar

• Evne til å arbeide sjølvstendig.
• Du er tilpasningsdyktig, og trivst med stor breidde og variasjon i arbeidsoppgåver.
• Du er rik på initiativt, og kan arbeide proaktivt – du ser moglegheiter og kan ta tak i utfordringar.
• Du er løysingsorientert, og har gode samarbeidsevner. Å kunne skape relasjonar og samarbeide godt med kollegaer er avgjerande. 
• Du er strukturert og ansvarsbevisst: Evne til å organisere arbeidsoppgåver og følge opp mål er viktig.
• Du har gode kommunikasjonsevner både munnleg og skriftleg. 
• Du har evne til å bygge tillit og bidra til eit godt arbeidsmiljø. 

Vi tilbyr

• Ei spennande og utfordrande stilling i eit fagmiljø prega av profesjonalitet og høg kompetanse.
• God tilgang til faglege nettverk og moglegheiter for fagleg utvikling.
• Fleksibel arbeidstid.
• Offentleg tenestepensjon, gruppelivsforsikring og ulykkesforsikring gjennom KLP.
• Løn etter avtale.

Kontaktinformasjon

Ole Reinlund, Rektor, +47 90909603

Arbeidsstad

Gangstøvikvegen 27
6009 ÅLESUND

Nøkkelinformasjon:

Arbeidsgivar: Møre og Romsdal fylkeskommune

Referansenr.: 5020869891
Stillingsprosent: 100%
Fast
Søknadsfrist: 13.10.2025