Vil du bli ein del av eit sterkt fagmiljø i moderne og framtidsretta lokale?

Vi har no ledige faste stillingar og vikariat for autoriserte operasjonssjukepleiarar ved den nyoppretta operasjonsseksjonen ved Sykehuset Nordmøre og Romsdal (SNR) på Hjelset.

Operasjonsseksjonen er del av Avdeling for anestesi, intensiv, operasjon, sterilforsyning og dagkirurgi, som høyrer til Klinikk SNR – éi av fem klinikkar ved sjukehuset. Seksjonen har om lag 48 årsverk, med tilsette som har høg fagleg kompetanse og brei klinisk erfaring. Nokre har Hjelset som hovudarbeidsstad, medan andre har delt stilling med Kristiansund.

Kvifor jobbe hos oss? Her er kvardagen prega av tverrfagleg samarbeid, høgt tempo og stort fagleg engasjement – alltid med pasienten i sentrum. Operasjonssjukepleiarane arbeider i hovudsak tredelt turnus, med 12-timars vakter for delar av bemanninga i helg.

Operasjonsseksjonen dekkjer eit breitt spekter av fagområde:

• Gastrokirurgi
• Ortopedi
• Gynekologi og føde
• Plastikkirurgi
• Øyre-nase-hals
• Urologi
• Generell kirurgi
• Auge

Nye lokale og moderne utstyr

Vi har nyleg flytta inn i heilt nye operasjonslokale på Hjelset, med 10 fullt utstyrte operasjonsstover og topp moderne medisinteknisk utstyr. Dette gir unike moglegheiter for fagleg utvikling, effektiv drift og høg kvalitet i pasientbehandlinga.

Om arbeidsstaden

Sjukehuset ligg på Hjelset, om lag 20–30 minutt med bil frå Molde sentrum, og rundt 40 minutt frå Kristiansund. I Kristiansund blir det vidareført eit breitt spesialisthelsetilbod med poliklinikk og dagbehandling.

Arbeidsoppgåver

• Planleggje, gjennomføre og evaluere pasientbehandling i operasjonsavdelinga
• Sikre pasienttryggleik og kvalitet i behandlinga
• Samarbeide tett med anna helsepersonell for heilskapleg behandling
• Delta i opplæring og rettleiing av nytt personell
• Bidra til kontinuerleg forbetring av rutinar og prosedyrar

Kvalifikasjonar

• Autorisasjon som operasjonssjukepleiar
• Erfaring frå operasjonsavdeling er ønskjeleg
• Gode samarbeidsevner og trivst i tverrfaglege team
• Strukturert, initiativrik og løysingsorientert
• Ønskjer ein variert og meiningsfull arbeidskvardag
• Fleksibel og pasientfokusert
• Gode norskkunnskapar – både munnleg og skriftleg

Personlege eigenskapar

• Set pasienten i fokus og jobbar strukturert og fleksibelt
• Serviceinnstilt og løysingsorientert
• Kommuniserer godt og samarbeider effektivt med kollegaer og andre faggrupper
• Fagleg nysgjerrig og ønskjer kontinuerleg utvikling
• Jobbar godt både sjølvstendig og i team
• Open for nye arbeidsmetodar og teknologi
• Ein aktiv bidragsytar til eit godt og støttande arbeidsmiljø

Vi tilbyr

• Sterkt tverrfagleg samarbeid
• Ein inkluderande arbeidsplass
• Løn etter gjeldande overeinskomstar
• Medlemskap i god offentleg pensjonsordning og fordelaktige forsikringsvilkår

Kontaktinformasjon

Camilla Gagnat Tornes, Seksjonsleiar, +47 93647513

Arbeidsstad

Opdølvegen 4
6450 Hjelset

Nøkkelinformasjon:

Arbeidsgivar: Helse Møre og Romsdal HF

Referansenr.: 4991952409
Stillingsprosent: 100%
Fast, Vikariat
Søknadsfrist: 17.08.2025