Om stillinga

Ynskjer du ei spennande leiarstilling med eit meiningsfullt samfunnsoppdrag?

100% fast stilling som NAV leiar ved NAV Sveio.

Til NAV-kontoret i Sveio søkjer me ein tydeleg leiar med særleg blikk for gode relasjonar både internt i kontoret og til samarbeidspartar og næringsliv. Som leiar i NAV arbeidar du tillitsbasert med ein motiverande og inkluderande leiarstil. Under utøvingsbasert leiing er det viktig å sjå potensialet i dine tilsette.

NAV Sveio er eit partnarskap mellom NAV Vestland og Sveio kommune.
Leiaren skal ha det faglege og administrative ansvaret, og den viktigaste oppgåva blir å sikre gode og heilskaplege tenester for einskildpersonar og næringsliv, og ivareta samfunnet sitt mål om størst mogleg yrkesdeltaking. Samarbeid på tvers av kommunar vil framover bli avgjerande for å vidareutvikle tenestene og for å bli ein synleg og løysingsdyktig samfunnsaktør. LEAN vert nytta som metode i alt utviklingsarbeid både i Sveio kommune og NAV Vestland. 

Kontoret i Sveio har i dag 12 tilsette. I tillegg til statlege tenester i NAV har NAV Sveio ansvar for tenester heimla i lov om sosiale tenester i NAV og Flyktningtenesta. NAV leiaren er kommunalt tilsett, men ivaretek leiaroppgåver både for stat og kommune. NAV leiar inngår i leiargruppa til Helse og omsorg i Sveio kommune og Kommunalsjef Helse og omsorg er næraste leiar. NAV Sveio er eit av seks kontor i NAV region Sunnhordland, og NAV leiar inngår og i regionleiar si leiargruppe.

Sveio kommune praktiserer meiroffentlegheit. Dersom du ikkje ønskjer at namnet ditt skal offentleggjerast, må du grunngje dette i søknaden. Opplysningar kan bli offentleggjorde sjølv om du har bedd om ikkje å bli oppført på søkjarlista. Du blir varsla dersom ønsket om reservasjon ikkje blir teke til følgje.

Arbeidsoppgåver

• Tydelegt leiarskap                                                                                                      
• Fag, personal- og budsjettansvar                                                                                                                             
• Ivaretaking av medråderett i tråd med gjeldande avtaleverk                                                                                                                             
• Sikre tidleg innsats for alle brukargrupper                                                                                                                                                                   
• Bidra til eit godt partssamarbeid og medbestemming i kontoret                              
• Bidra til å vidareutvikla samarbeid i regionen og med våre samarbeidspartnarar

Kvalifikasjonar

• Minimum 3-årig utdanning frå høgskule eller universitet 
• Relevant erfaring kan kompensere for utdanningskrav                                                                   
• Leiarutdanning og/eller leiarerfaring er ynskjeleg
• Kunnskap om samfunnet og sterk interesse for arbeids- og velferdspolitikken          
• God digital kompetanse                                        

Personlege eigenskapar

vil bli tillagt stor vekt og vi ønskjer ein leiar som;                                               

• Kommuniserer ope, tydeleg og direkte
• Har evne og vilje til å prøve ut utradisjonelle løysingar                                                                     
• Er engasjert og initiativrik
• Er god på å ta avgjerder, er målretta og løysingsdyktig i lag med andre                                                 
• Er oppteken av kontinuerleg forbetring

NAV er oppteken av mangfald og me oppmodar alle kvalifiserte kandidatar til å søkje jobb i NAV, uavhengig av alder, kjønn, funksjonshemming, nasjonal eller etnisk bakgrunn. NAV er IA-verksemd og vi vil difor legge til rette for søkjarar med eventuell redusert funksjonsevne.

Vi tilbyr

• Løns- og tilsetjingsvilkår i samsvar med gjeldande avtaleverk vurdert etter utdanning og praksis
• Kommunen har gode forsikrings- og pensjonsordningar
• 2 % vert trekt til tariffesta tenestepensjon
• Den som vert tilsett må levera politiattest av ny dato
• Det er 6 månader prøvetid for nytilsette i Sveio kommune