Laboratorieklinikken i Helse Bergen er ein av dei største leverandørane av laboratorietenester i landet. Vi ønsker å styrke satsinga vår, og søker derfor ytterlegare ein markedskonsulent til vårt kompetente team. Dette er ein spennande moglegheit for deg som vil vere med å vidareutvikle samhandlinga med primærhelsetenesta og andre brukarar av våre tenester. Vi er opptatt av å levere gode tenester til kundar som har høge krav og forventingar.

Laboratorieklinikken har over 900 tilsette fordelt på åtte einingar: Avdeling for medisinsk biokjemi og farmakologi, Avdeling for patologi, Mikrobiologisk avdeling, Avdeling for immunologi og transfusjonsmedisin, Avdeling for medisinsk genetikk, Biobank Haukeland, Seksjon for kreftgenomikk og Seksjon for bioinformatikk.

Laboratorieklinikken ved Haukeland universitetssjukehus er eit av landets største sjukehuslaboratorium, og har rutine- og spesiallaboratorium innan dei fleste fagfelt. Vi har eit komplett laboratorietilbod til rekvirentane i vårt nærområde, og fleirtallet av fastlegane i Bergensområdet sender sine prøver hit. Vi er opptatt av å gi eit tilbod med raske og relevante svar og med høg fagleg kompetanse. Marknadskonsulenten har ei nøkkelrolle for god og effektiv samhandling med legekontora som sender prøvar til oss.

Alle laboratoria i Helse Bergen mottar dagleg prøvar med ulikt biologisk materiale til analysering og undersøking frå fleire hundre fastlegar i Bergen og omland. Det mottas og prøvar frå andre helseregionar. Stillinga er knytt til alle laboratoria i Laboratorieklinikken, og marknadskonsulenten er kontaktpunkt mellom kundane og desse.

Arbeidsoppgåver

• Oppfølging av legekontor på vegne av alle laboratoria i Laboratorieklinikken
• Samarbeid med fastlegane og arrangere temakvelder for primærhelsetenesta
• Bidra til utvikling av tenesta og tilbodet retta mot primærhelsetenesta
• Bidra til å sikre kundetilfredsheit
• Delta i faglege nettverk i regionen
• Ha kontakt med alle laboratoria i Laboratorieklinikken og ha kunnskap om repertoar og etablerte tilbod
• Halde seg oppdatert på faglege forhold knytt til generell prøvetaking og prøvehandtering i felles prøvemottak

Kvalifikasjonar

• Autorisert bioingeniør eller anna relevant utdanning. Ønskeleg med minst 5 års erfaring frå arbeid i medisinsk laboratorium
• Det er ein fordel med erfaring frå marknadsarbeid og kundeoppfølging
• Erfaren brukar av dataverktøy
• God norskkunnskap både munnleg og skriftleg

Personlege eigenskapar

• Serviceinnstilt, hyggeleg, sjølvstendig og imøtekommande
• Effektiv og strukturert
• Initiativrik og løysingsorientert med evne til å gjennomføre avtalte oppgåver
• God evne til samarbeid og kommunikasjon

Vi tilbyr

• Lønn etter avtale og gode pensjonsvilkår
• Eit travelt og triveleg arbeidsmiljø

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Johanne Lind Aasen, Assisterende direktør Laboratorieklinikken, 55973119, johanne.lind.aasen@helse-bergen.no

Arbeidsstad

Haukelandsveien 22
5021 BERGEN

Nøkkelinformasjon:

Arbeidsgivar: Helse Bergen HF

Referansenr.: 4988795915
Stillingsprosent: 100%
Fast
Søknadsfrist: 24.08.2025