Har du eit bankande hjarte for folkesong og tradisjonsmusikk? No har du sjansen til å vere med og vidareføre ei levande kulturarv!

Vinje kulturskule søkjer ein engasjert og kompetent kvedar til eit 10% vikariat. Stillinga ligg under avdeling for kultur, idrett og fritid – ei eining som arbeider målretta for å styrke kulturtilbodet i kommunen, med særleg vekt på lokal identitet og tradisjon.

Som kvedelærar får du moglegheit til å dele kunnskap og songglede med elevar i ulike aldrar. Vinje har ein stolt kvedetradisjon, og denne stillinga gjev deg høve til å vere ein aktiv del av eit kulturmiljø der folkemusikk har ein naturleg plass. Her kan du bidra til å halde tradisjonen levande!

Arbeidsoppgåver

• Gruppeundervisning
• Individuell undervisning
• Utvikle folkemusikkfaga i kulturskulen
• Nettverksbygging

Kvalifikasjonar

• 3-årig kulturfagleg utdanning og praktisk pedagogisk utdanning
• Utdanning eller erfaring med folkemusikk
• Erfaring med arbeid med barn og unge
• Erfaring med å undervise barn og unge i song

Personlege eigenskapar

• Du er engasjert i folkemusikk og tradisjonell songkunst
• Du er ein tydeleg og inspirerande formidlar som klarer å engasjere elevar i ulike aldrar
• Du har evne til å byggje gode relasjonar og skape eit trygt og inkluderande læringsmiljø
• Du er sjølvstendig og strukturert, men samarbeider også godt i eit team
• Du er open for tverrfagleg samarbeid og kreativ utvikling av undervisninga
• Du har respekt for tradisjonane, men også evne til å levandegjere dei på ein moderne og relevant måte

Vi tilbyr

• God forsikrings- og pensjonsordning
• Aktivitetskortordning med gåvekort, og mogelegheit for å vinne flotte premiar

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Kristian W. Rantala, Verksemdsleiar kultur og fritid, 94983823, kristian.rantala@vinje.kommune.no

Arbeidsstad

Vinjevegen 192
3890 Vinje

Nøkkelinformasjon:

Arbeidsgivar: Vinje kommune

Referansenr.: 4977018563
Stillingsprosent: 20%
Vikar
Startdato: 01.08.2025
Sluttdato: 31.07.2026
Søknadsfrist: 03.08.2025