Vil du vera med å utvikla, bygga og drifta framtidas kommunale bygg og infrastruktur?

Stord kommune søkjer ein engasjert og handlekraftig leiar til eining for tekniske tenester.

Om Stord kommune

Stord er ein stolt industrikommune i Vestland med over 19 000 innbyggjarar — ein <<liten by for det heilt store>>. Kommunen ligg sentralt mellom Bergen og Stavanger og er regionsenter i Sunnhordland. Me har høge ambisjonar som ein attraktiv og klimavenleg vekstkommune, og arbeider under visjonen <<Saman om utvikling og velferd>>.

Om stillinga

Som einingsleiar for tekniske tenester får du ei sentral rolle i utviklinga av kommunen. Du vil:

• ha ansvar for prosjektutvikling, utbygging, forvaltning, drift, reinhald og vedlikehald av kommunale bygg, eigedomar og vegar

• ha budsjett- og personalansvar

• rapportera til kommunalsjef for byutvikling

• følgja opp fagområde og saker som høyrer til eininga

• førebu og leggja fram saker for politisk handsaming

• utøva mynde i tråd med delegasjonsreglementet

Kven ser me etter?

Me ser etter ein leiar som:

• har høgare relevant utdanning innan bygg- og anleggstekniske fag

• har erfaring frå offentleg forvaltning og økonomistyring (ein føremon)

• meistrar norsk skriftleg og munnleg (nynorsk skriftmål)

• har leiarerfaring eller tydeleg leiarpotensial

• er god til å lytta, byggja lag og skapa samling mot felles mål

• har vilje til å prioritera personalpolitikk og vera ein god arbeidsgjevar

• er handlekraftig og har god gjennomføringsevne

• trivst med endrings- og forbetringsarbeid, og er ein pådrivar for digital utvikling

• byggjer gode relasjonar til verneombod og tillitsvalde

• ser kommunen i eit heilskapleg perspektiv

Me tilbyr

• Ein engasjerande leiarjobb i ein kommune i utvikling

• Samarbeid med dyktige og engasjerte kollegaer i ein tverrfagleg organisasjon

• Gode pensjons- og forsikringsordningar

• Tilgang til leilegheiter i Røldal og hytte ved sjøen gjennom velferdsklubben

• Løn etter avtale

• Arbeidsstad: SKE-bygget, Rundehaugen 45, Heiane