Helgestillingar med døgnvakter

Om stillinga

Gullsmedvegen bu og avlasting er ei eining der vi søker etter kollegaer som ønsker å jobbe døgnvakter kvar fjerde helg. Vi søker deg som ønsker å vere med å bygge opp ei god teneste der både tenestemottakarar og tilsette opplever meistring og utvikling. Vi treng trygge, aktive og omsorgsfulle miljøarbeidarar til arbeid i eininga. Som miljøarbeidar vil du blant anna ha oppgåver knytt til primærgrupper, aktiv oppfølging av tenestemottakar i daglege aktivitetar og ADL-trening, samarbeid med pårørande og andre aktuelle partar, planarbeid og rettleiing. Du vil arbeide både i avdelinga for avlasting til barn og unge og i teneste til vaksne med nedsett funksjonsevne i omsorgsbustadar som er i bygget og nærområdet. Du vil arbeide tett med teamleiar og andre tilsette for å bygge opp tenestene, fagsystem og kultur. 

Ansvars- og arbeidsoppgåver

  • Målretta miljøarbeid og burettleiing tilpassa den enkelte sitt behov ut frå vedtak og tiltaksplanar
  • Utføre oppgaver i samsvar med tenesta og den daglige drifta av avdelinga
  • Praktisk bistand, rettleiing og aktivisering av brukarane
  • Samarbeide med kollegaer og pårørande
  • Deltaking i primærgruppearbeid 

Om arbeidsstaden

Helse og velferd er ei eining med om lag 200 tilsette og blir leia av kommunalsjef. I denne eininga inngår pleie – og omsorgstenester, tildelingskontoret, legetenesta, jordmortenesta, ergoterapi- og fysioterapitenesta, miljøarbeidertenesta, NAV, psykisk helse og rus, kreftomsorg og frivillig arbeid. Helse og velferd har som mål å fagleg legge til rette med tenester tilpassa den enkelte sitt behov, slik at kvar og ein skal ha eit trygt, meiningsfylt og innhaldsrikt liv.

Gullsmedvegen bu og avlasting blei opna i januar 2024 i nyoppussa lokaler. Eininga består av tre omsorgsbustader og avlasting med tre sengeplasser til barn og unge. Vi gir praktisk bistand, opplæring og heimesjukepleie til vaksne personar med nedsett funksjonsevne i omsorgsbustad, samt rullerande avlasting til barn og unge i eigne lokaler. 

Gullsmedvegen bu og avlasting er ei avdeling innunder Miljøarbeidartenesta. 

Kvalifikasjonskrav

Utdanning

  • Oppfordrar studentar på bachelorutdanning innan vernepleie eller sjukepleie om å søke
  • Søkarar som er under utdanning på andre relevante bachelorar kan bli vurdert

Formelle krav

  • Førarkort for klasse B
  • Gode datakunnskapar, kjennskap til Visma profil pasientjournalsystem er ønskeleg 
  • Du må legge fram gyldig politiattest ved tilsetting.
  • Søkarar utanfor Skandinavia må dokumentere kunnskaper i norsk skriftleg og munnleg gjennom bestått B2 test i Norsk

Personlege eigenskapar

  • Fleksibel, målretta, sjølvstendig og evnar å kommunisere godt i møte med tenestemottakarar, pårørande og samarbeidspartnarar
  • Ønskeleg med erfaring frå brukargruppa 
  • Gode evner til å samarbeide med andre
  • Vise respekt, ha gode haldningar og vere lojal
  • Stå roleg i krevande situasjonar 
  • Ha stå på vilje og like utfordringar
  • Medvirke til eit ope og positivt arbeidsmiljø der etisk refleksjon og fagutvikling står sterkt 
  • God skriftleg og munnleg formidlingsevne 

Vi tilbyr

  • Moglegheit for fagleg utvikling i eit godt og positivt fagmiljø
  • Spanande utfordringar
  • Løn etter kvalifikasjonar
  • Gode pensjons- og forsikringsordningar

Slik søker du

Send søknad og CV ved å klikke på knappen merka "Søk stilling" på denne sida.

Det er søkar sitt ansvar å sørge for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.

Søknader kan ikkje sendast på e-post til enkeltpersonar i kommunen.

Vi gjer merksam på at i følge offentleglova § 25, 2. ledd kan opplysningar om søkaren blir offentleggjort sjølv om søkjaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.

Du må logge inn for å søke på denne stillingen.


Opprett en profil, og søk enkelt på jobber. Trykk på knappen nedenfor, for å komme i gang.

Jobbsted