Kven er vi? 

Klima- og miljødepartementet har ledig ei fast stilling som førstekonsulent/rådgjevar i vatnseksjonen i naturforvaltingsavdelinga. Vatnseksjonen arbeider for å ivareta naturmangfaldet i ferskvatn og har mellom anna ansvaret for vassforvalting og villaks. Naturmangfaldlova, lakse- og innlandsfiskelova, EU sitt vassdirektiv, vassforskrifta og forskrifta om framande artar er viktige regelverk på feltet.

Om stillinga

I stillinga som førstekonsulent/rådgjevar vil du jobbe i skjeringspunktet mellom fag og politikk for å bidra til god forvalting av naturressursane våre. Du vil ha utstrekt kontakt med underliggjande etatar og tilsette i andre departement som jobbar med tilgrensande fagområde. Du vil spele ei viktig rolle for å koordinere innspel og bidra til framdrift og godt samarbeid i prosessane. Du vil ha eit særleg ansvar for villaks, men også bidra inn i andre oppgåver innanfor avdelinga sitt ansvarsområde, mellom anna med førebuingar av saker for politisk leiing, utarbeiding av fakta- og talepunkt og diverse oversikter og statistikk. 

Vi søkjer deg som har 

• relevant utdanning på mastergradsnivå innan naturvitskaplege eller samfunnsvitskaplege fag. Du må også kunne vise til meget gode karakterer. 
• svært god skriftleg og munnleg formidlingsevne på norsk og engelsk
• nyutdanna kan søkje. Relevante fag og relevant masteroppgåve vil bli tillagt vekt. Vitnemål må ligge føre før tilsetjingsvedtak blir fatta

Det er ønskjeleg at du har

• erfaring frå statleg sektor
• erfaring med informasjonsinnhenting, analysar og utarbeiding av saksgrunnlag, samt oppfølging av vedtak
• fagkunnskap innan naturforvalting, vatnressursar og villaks
• interesse for å tileigne deg kunnskap på saksfeltet

Personleg eignaheit vil bli tillagt vekt.

Stillinga krev at ein må kunne bli autorisert etter tryggingslova på nivå BEGRENSET. Sjå nsm.no

For å lukkast i stillinga må du

• trivast med ein innhaldsrik arbeidskvardag, der du jobbar strukturert og sjølvstendig
• evne å samarbeide godt på tvers og like å drive fram prosessar og skape resultat
• vere fagleg trygg, solid og etterretteleg
• fleksibel og evne til å raskt setje deg inn i nye oppgåver/fagfelt, samt jobbe analytisk
• kommunisere fagleg bodskap på ein effektiv og forståeleg måte

Kvifor skal du jobbe hos oss

• Du vil bidra til samfunnsmålet om eit grønt skifte og få ei unik moglegheit til å gi faglege råd til politisk leiing.
• Vi har eit arbeidsfellesskap med dyktige og engasjerte kollegaer som er stolte av jobben sin.
• Klima- og miljødepartementet gir gode utviklingsmoglegheiter.
• Vi har fleksible arbeidstidsordningar tilpassa ulike livsfasar, og pensjons- og forsikringsordning i Statens pensjonskasse.
• Vi er opptekne av at alle skal ha eit godt arbeidsmiljø, og kan tilby eit breitt tilbod av sosiale, kulturelle og sportslege aktivitetar, inkludert 1½ time trening i arbeidstida i veka. Vi har også eit eige kor, ei eiga revygruppe og eigne instruktørar for yoga, sirkeltrening og pilates.
• Vi heiar på fellesskap og samarbeid på tvers.
• Våre moderne lokale ligg midt i Oslo sentrum, med takterrasse, eigen sykkelparkering, og med kort veg til offentleg transport.

Vi er opptekne av mangfald og inkludering

Vi vil rekruttere den best kvalifiserte kandidaten til stillinga og treng derfor eit breitt rekrutteringsgrunnlag. I Klima- og miljødepartementet har vi eit personalpolitisk mål om å vere ein arbeidsgjevar som speglar mangfaldet i samfunnet og som tek i bruk potensialet i befolkninga sin samla kompetanse. Det betyr at vi ønskjer velkomen søkjarar med ulik arbeids- og livserfaring som av ulike årsaker ikkje kan dokumentere ein samanhengande yrkeskarriere.

Lønn

Årslønn for førstekonsulent: frå kr 550 000 – 640 000
Årslønn for rådgjevar: frå kr 600 000 – 730 000

Avhengig av dine kvalifikasjonar og antal år med relevant arbeidserfaring vil du bli innplassert som førstekonsulent eller rådgjevar jf. departementet sin personal- og lønnspolitikk. Som hovudregel krevst det minimum to års relevant erfaring for å bli rådgjevar. 

Frå lønna blir det trekt 2 % innskot til Statens pensjonskasse. Som tilsett hos oss blir du medlem av Statens pensjonskasse (SPK), noko som gir deg ei rekkje fordelar. Medlemskap i SPK sikrar deg ei pensjonsordning og gunstig opptening som gir økonomisk tryggleik både under og etter arbeidslivet. SPK tilbyr også gode forsikringsordningar som sikrar deg og dine næraste. Som medlem får du tilgang til gunstige låneordningar.

Er dette stillinga for deg?

• Vi ber om at du lastar opp vitnemål/karakterutskrifter (som kan hentast direkte frå Vitnemålsportalen) og relevante attestar.
• Utanlandske vitnemål må godkjennast av direktoratet for høgare utdanning og kompetanse (hkdir.no).
• Dine personopplysningar vil bli oppbevart i samsvar med GDPR.
• Det blir gjort merksam på at opplysningar om søkjar kan bli offentleggjort sjølv om søkjar har bedt om å bli unntatt søkjarlista. Søkjar vil bli orientert om dette på førehand.
• Kvalifiserte kandidatar med ulik arbeids- og livserfaring blir oppmoda til å søkje.