Ved Høgskulen på Vestlandet er det ledig ei fast stilling som førsteamanuensis/førstelektor i engelsk språk, litteratur og kulturkunnskap ved Fakultet for lærarutdanning, kultur og idrett.

Om stillinga

Stillinga er ledig frå 01.08.2025 og inngår i Institutt for språk, litteratur, matematikk og tolking, campus Sogndal.

Arbeidsstaden er campus Sogndal.

Ansvars- og arbeidsoppgåver:

Stillinga har følgjande ansvars- og arbeidsoppgåver:

• Undervisning, rettleiing, vurdering og vidareutvikling av det digitale årsstudiet i engelsk. Det kan og bli aktuelt med undervisning, rettleiing, vurdering, praksisoppfølging m.m. på bachelor-, master-, og Ph.d.-utdanning, samt arbeidsoppgåver innanfor etter- og vidareutdanning og tilskotsordningar som ReKomp, DeKomp og Kompetanseløftet
• Forsking- og utviklingsarbeid med relevans for instituttet sine fagområde
• Institusjonsbyggjande arbeid irekna: rettleie tilsette, fagadministrative oppgåver, internasjonalisering og samhandling med eksterne partnarar
• Delta i utvikling av forskingsprosjekt og utarbeide søknader om ekstern finansiering saman med kollegaer i fagmiljøet, representere HVL nasjonalt og internasjonalt, og bidra i ulike typar kommisjonsarbeid
• Aktivt bruke digitale verktøy i arbeidskvardagen
• Det kan bli aktuelt med noko reising i stillinga

Kvalifikasjonskrav:

Kriteria for tilsetjing i stilling som førsteamanuensis/førstelektor går fram av Forskrift til universitets- og høyskoleloven.

Formelle kvalifikasjonar:

• For fast tilsetjing som førsteamanuensis må søkjar ha fullført doktorgrad i engelsk litteratur, engelsk lingvistikk eller engelsk fagdidaktikk. 
• For fast tilsetjing som førstelektor må søkjar ha førstekompetanse i samsvar med forskrifta og med tilsvarande relevanskrav som for førsteamanuensis.
• Utdanningsfagleg kompetanse er eit krav for stillinga.

 

Personlege eigenskapar:

• Den som vert tilsett må ha gode samarbeids- og formidlingsevner, men òg evne til å arbeide sjølvstendig, ta initiativ og vere fleksibel.
• Høgt etisk medvit i møte med studentar og tilsette er påkravd.
• Den som vert tilsett må vere personleg eigna for stillinga.
   

Språkkrav:

• Undervisningsspråket er engelsk og det krevst høg kompetanse i munnleg og skriftleg engelsk.
• Administrasjonsspråket er norsk, og søkjarar må meistre norsk munnleg og skriftleg, eventuelt eit anna skandinavisk språk. For søkjarar som ikkje meistrar norsk eller eit anna skandinavisk språk gjeld Forskrift til universitets- og høyskoleloven.

 

Følgjande tel positivt i vurderinga:

• Erfaring med undervisning og utvikling av heildigitale studium, særleg produksjon av digitale læringsressursar og oppfølging av studentar på heildigitale emne
• Engelskfagleg kompetanse med relevans for stillinga, bl.a. undervisningserfaring i både litterære og språklege emne i høgare utdanning
• Erfaring frå relevante forskings- og utviklingsprosjekt, irekna erfaring med å skaffe ekstern finansiering og utvikling av forskings- og utviklingsprosjekt
• Internasjonal erfaring

 

Utdanningsfagleg kompetanse:

For stilling som førsteamanuensis og førstelektor skal søkjarar dokumentere utdanningsfagleg kompetanse med ei pedagogisk mappe og ein pedagogisk CV i tråd med Kriteriar for utdanningsfagleg basiskompetanse ved tilsetting og opprykk i førsteamanuensis- og professorstilling ved HVL.

For søkjarar som ved tilsetting ikkje fyller krava til utdanningsfagleg kompetanse gjeld Forskrift til Universitets- og høyskoleloven.

Dersom ingen søkjarar oppfyller kvalifikasjonskrava for tilsetting i stilling som førsteamanuensis eller førstelektor, kan det bli aktuelt å tilsette mellombels i inntil eitt år som høgskulelektor (st.kode 1008). For mellombels tilsetting som høgskulelektor må søkjar ha hovudfag/mastergrad med gode resultat, normalt A eller B på masteroppgåva, og med relevans for stillingsprofilen.  

Sakkunnig vurdering:

Søkjarar til vitskaplege stillingar vert vurdert av ein sakkunnig komite. Vurderinga skjer på bakgrunn av dokumentert kompetanse, oversikt over arbeida dine, kvar dei er offentleggjort og inntil 5 vitskaplege arbeid som skal leggast ved søknaden i fulltekst. Tilsetjingsorgan er tilsetjingsutval ved Høgskulen på Vestlandet.

Korleis søke på stillinga?

Send søknad og CV ved å klikke på knappen merka ”Søk stilling” på denne sida.

Vi gjer merksam på at søknadar vert vurdert ut frå den informasjonen som er lagt inn i www.jobbnorge.no ved søknadsfristens utløp. Det er søkjars ansvar å sørgje for at alle relevante vedlegg er lagt inn innan fristen, irekna:

• Attestar og vitnemål
• Fullstendig publikasjonsliste
• Vitskaplege arbeid (inntil 5 stk.)

Dersom vitnemåla, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv lasta opp attesterte omsetjingar. Om vedlegga overstig 25 MB må dei komprimerast før opplasting eller leggjast ved som lenkje.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søknadane vert sendt elektronisk til den sakkunige komiteen. På bakgrunn av komiteen si vurdering vil aktuelle søkjarar bli kalla inn til intervju og prøveundervisning. Søknadar kan ikkje sendast på e-post til enkeltpersonar ved høgskulen.

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving – og utvikling
• Høve for trening i arbeidstida

Stillinga er løna etter Statens lønsregulativ, i stillingskode 1011- førsteamanuensis / 1198 – førstelektor.

Dersom mellombels tilsetting som høgskulelektor vil stillinga bli løna etter Statens lønsregulativ i stillingskode 1008.

Frå løna vil det bli trekt 2 % innskot til Statens pensjonskasse.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å oppnå ein balansert alders- og kjønnssamansetning og rekruttere personar med minoritetsbakgrunn, nedsett funksjonsevne og hol i CV.

Høgskulen på Vestlandet er underlagt forskrift for eksportkontrollsystem. Forskriften kan komme til anvending behandlingen av søknadane.

Kontaktpersonar ved Høgskulen på Vestlandet er:

Faggruppeleiar Monica Tove Vattedal

Telefon: 57 67 61 45

E-post: monica.tove.vattedal@hvl.no

Instituttleiar Tom Rune Kongelf

Telefon: 990 17 802 / 57 67 63 37

E-post: tom.rune.kongelf@hvl.no

Inkludere, utfordre og samhandle

Les meir på våre heimesider.