Me søkjer etter ny medarbeidar med tittel fjelloppsyn (1 fast stilling).

Arbeidsoppgåver:

• Dagleg drift og sekretæriat for Øvre Numedal fjellstyre.
• Sakshandsaming, administrativt arbeid, service og kontakt med brukarane av statsallmenningen.
• Sekretæriat for samarbeidsorganet Fjellstyra på Hardangervidda as.
• Skjøtselsoppgåver i statsallmenningane (transportar, vedlikehald av hytter, fiskekultivering og liknande).
• Drive informasjonsarbeid og utviklingsarbeid for å leggje til rette for aktiv bruk av statsallmenningen.
• Vidareføre utoverretta arbeid i regi av fjellstyret gjennom arrangering av jegermøter og liknande og synleggjera verdien av statsallmenningen
• Jakt- og fiskeoppsyn. Handheving av miljølovverka.
• Arbeid med naturfaglege registreringar.

Andre oppgåver kan kome i tillegg. Arbeidsoppgåver blir tillagt gjennom heile året med høgsesong sommar og haust. Feltarbeidet vil i hovudsak føregå på Hardangervidda, men oppgåver kan også kome i tilgrensande områder.

Kvalifikasjonar:

• Bachelor eller tilsvarande innan utmarks- eller naturforvaltning.
• Erfaring med sakshandsaming (blir tillagt vekt).
• Erfaring med naturoppsyn og anna feltarbeid.
• Søkjarar med anna særleg relevant utdanning og erfaring vil verta vurdert.
• God munnleg og skriftleg framstillingsevne.
• Gode digitale ferdigheiter.
• Løysingsorientert og praktisk anlagt.
• Gode samarbeidsevner med evne å jobbe sjølvstendig og i team.
• Personleg eignaheit blir tillagt vekt.
• Det er ein føresetnad at søkjaren kan tildelast begrensa politimyndighet.

Lokalisering:

Kontorstad er på Rødberg. Det er ynskjeleg at arbeidstakaren er busett i Nore og Uvdal kommune, Rollag kommune, Dagali eller Sør-Skurdalen.

Lønn- og arbeidsvilkår:

• Lønn etter avtale (sentral og lokal tariffavtale).
• 6 månader prøvetid.
• Bruk av bil blir godtgjort etter tariffesta kompensasjonsordning.
• Tiltreding etter nærare avtale.

Me kan tilby:

• Ein utfordrande og spanande jobb knytt til fjellet.
• Eit allsidig arbeid med sesongvariasjonar.
• Eit godt fagmiljø.
• Gode mogelegheiter for fagleg og personleg utvikling.

Øvrig informasjon:

Ein ber om at det går fram om søkjar har erfaring med snøskuterkøyring. Det er ynskjeleg at arbeidstakaren har førarrett for klasse S (snøskuter) og BE (personbil med hengjar). Det er ynskjeleg at arbeidstakaren har båtførarbevis (gjeld for søkjarar fødd etter 01.01.1980). Kompetanse innanfor sakshandsaming vil verta vesentleg vektlagt.

Spørsmål om stillinga kan rettast til dagleg leiar Ole Rune Røkenes, tlf 94978534. 

Merk at namnet på ein søkjar kan bli offentleggjort sjølv om søkjaren har bede om at namnet blir unntatt offentlegheit. Ønskje om unntatt offentlegheit må grunngjevast i søknaden jf. offentlegheitslova § 25, andre ledd. Du vil bli varsla dersom ønsket ikkje kan etterkomast.

Søknadsfrist: 14.07.2025

Viss du vil søkje på stillinga, gjer du det ved å trykke på "Søk"-knappen nedst til høgre i annonsen.