Gloppen folkebibliotek er plassert i hjarte av kultursenteret i kommunen – Kulturhuset Trivselhagen. Vi søkjer etter ein engasjert biblioteksjef som vil vidareutvikle det gode bibliotektilbodet vi har i kommunen.

Gloppen folkebibliotek er ein pulserande arbeidsplass med sin samlokalisering i lag med Firda vgs, Kulturhuset Trivselshagen og Gloppen kulturskule. I tillegg til biblioteket er her kultursal/konsertscene, kino, kafé, dansesalar, dramasal og møterom. Utanom biblioteket sine ordinære opningstider med betjening, har vi meirope bibliotek frå kl 07 – 23 kvar dag. Dette gjer biblioteket svært tilgjengeleg for innbyggjarane i kommunen. Biblioteket vårt er moderne og nyoppussa, med ein god atmosfære. Ein populær stad der det er godt å vere!

Som biblioteksjef får du ein variert og meiningsfull kvardag, med ansvar for å drifte og vidareutvikle bibliotektilbodet i kommunen. Folkebiblioteket si overordna rolle er å bidra til kulturformidling, demokratiutvikling og tilgang for alle, og er sentralt for biblioteket sitt breie samfunnsoppdrag. I jobben som biblioteksjef får du høve til å påverke og realisere idear som stettar dette.

På biblioteket vårt vert det skapt leseglede for dei alle minste til folk i alle alder. Vi har godt samarbeid med lag- og organisasjonar om ulike arrangement og foredrag på biblioteket. Eksterne tilskotsmidlar og prosjektarbeid er også ein viktig del av biblioteksjefen sin kvardag for å vidareutvikle bibliotektilbodet vårt.

Gloppen folkebibliotek har i dag 2,7 årsverk, og fungerer som skulebibliotek for Firda vgs med elevar og lærarar. Biblioteksjefen inngår i kultureininga si leiargruppe.

Arbeidsoppgåver

• Fagleg ansvar for drift og utvikling av biblioteket
• Vidareutvikle biblioteket som ein lågterskel møteplass og ein synleg kulturaktør i lokalsamfunnet
• Vere pådrivar for utviklingsarbeid og samskaping med andre aktørar
• Tverrfagleg samarbeid lokalt og interkommunalt
• Vere del av turnus på skrankevakt

Kvalifikasjonar

• Godkjent bibliotekfagleg utdanning i tråd med folkebiblioteklova § 5
• Det kan søkjast om dispensasjon frå kravet om fagutdanna biblioteksjef dersom vi ikkje får kvalifiserte søkjarar
• Erfaring frå arbeid i bibliotek eller tilsvarande er ein fordel
• God kjennskap til litteratur og digital kompetanse
• God i både skriftleg og muntleg framstilling, samt beherske engelsk godt

Personlege eigenskapar

Vi ønskjer ein biblioteksjef som

• er engasjert i å vidareutvikle biblioteket som møteplass for litteratur, kunnskap og kulturformidling
• er omstillingsdyktig og serviceinnstilt
• er ein engasjert formidlar innan litteratur
• jobbar systematisk og løysningsorientert
• har gode samarbeidsevner både internt og eksternt, og byggjer gode relasjonar
• bidreg til heilskapleg tenesteutvikling i leiarteamet på kultur, idrett og fritid

Vi tilbyr

• Ein spennande arbeidsplass i eit moderne bibliotek som ligg i eit pulserande miljø i Kulturhuset Trivselshagen.
• Løn etter avtale.

Kontaktinformasjon

Birte Fossheim, Kultursjef, +47 924 77 248

Arbeidsstad

Firdavegen 21
6823 Sandane

Nøkkelinformasjon:

Arbeidsgivar: Gloppen kommune

Referansenr.: 5046216024
Stillingsprosent: 100%
Fast
Søknadsfrist: 04.01.2026