Har du lyst på utfordrande arbeidsoppgåver i Verdas beste vesle Stad? Vi søkjer etter ny Driftsoperatør innan vatn, avløp og overvatn (VAO).

Kommunalteknikk er ei eining under kommunalområdet Kultur og Samfunn i Stad kommune, saman med Eigedom, Kultur, Plan og forvaltning og Brann. Kommunalteknikk har ansvaret for all offentleg infrastruktur i kommunen. Vi skal drifte og vedlikehalde kommunalt vegnett, parkanlegg, hamn, kommunaltekniske anlegg og infrastruktur knytt til vassforsyning, avløp og overvasshandtering. Prosjektavdeling og Innkjøp er også organisert under kommunalteknikk. Vi gjennomfører små og store kommunaltekniske investeringsprosjekt og byggprosjekt årleg. 

Kommunalteknikk har totalansvar for planlegging, utbygging, forvaltning, drift og vedlikehold av alle kommunale vann- og avløpsanlegg i Stad kommune. Kommunalteknisk drift er delt inn i to driftsgrupper – driftsgruppe Vegdrift og Park, og driftsgruppe VAO.

Driftsgruppe VAO – vatn, avløp og overvatn, har ansvar for drift og vedlikehold av eit transportsystem med 350 km VAO ledningsnett. Vi har 9 vassverk, 12 høgdebasseng, 16 små og store renseanlegg for avløp, og 34 pumpestasjonar for avløp. 

VAO har til sammen 10 tilsette pr i dag. Stillinga som driftsoperatør VAO går inn i dette driftsteamet, og vert også ein del av beredskapsteamet på VAO i indre del av kommunen. 

Stad kommune har vedteke 3 nye temaplanar på vatn, avløp og overvatn i 2022-2034, med mange naudsynte investeringar i planperioden. Vi skal gjennomføre både store og små investeringsprosjekt dei komande åra. Det skal bl.a byggjast nytt renseanlegg på Nordfjordeid, og i Selje, nye høgdebasseng, samt ledningsfornying. 

Arbeidsoppgåver

• Ansvar for gjennomføring av drift og vedlikehald av kommunens vann og avløpsanlegg,
  samt ledningsnett på overvatn.
• Service og vedlikehold på tekniske prosessanlegg.
• Utføre daglig vedlikehold og reparasjoner.
• Betjene driftsovervåking.
• Oppfølging av avvik, f.eks etter prøvetaking, tilsyn m.m.
• Fagleg støtte til drift og investeringsprosjekt.
• Innmåling og kartarbeid, ledningsnett og kommunaltekniske anlegg.
• Beredskap – tiltrer vaktordning VAO indre – Det er firedelt vaktordning ved eininga knytt til VAO indre, heile året, og denne stillinga vert ein del av denne rotasjonen.
• Andre arbeidsoppgåver må påreknast.

Kvalifikasjonar

• Relevant fagbrev; rør, prosess, automasjon, og tilsvarande. 
• Ønskeleg med erfaring som driftsoperatør innan VAO
• Ønskeleg med praktisk kunnskap og erfaring frå VA anlegg; vassverk, ledningsnett,
  renseanlegg, pumpestasjonar.
• Det er ønskelig med ADK1-sertifikat.
• Førerkort klasse B er eit krav.
• Førerkort klasse BE, C og CE er en fordel.
• Generell brukarkompetanse innan IT-verktøy.
• Ønskeleg med erfaring frå innmåling, Bruk av GPS
• Ønskeleg med erfaring frå Gemini Portal
• Ønskeleg med erfaring fra Microsoft office, Power Apps

Personlege eigenskapar

• Du er opptatt av helse, miljø og sikkerhet
• Du er praktisk og løysningsorientert
• Du er god på samarbeid og kan ta eit sjølvstendig ansvar
• Du trivst med å lære nye ting og er kvalitetsbevisst
• Du har gode kommunikasjonsevner

Vi tilbyr

• Ei spennande og utfordrande fulltidsstilling i ein framoverlent kommune som satsar på utvikling og innovasjon.
• Moglegheit til å gjere ein reell forskjell for lokalsamfunnet ved å bidra til ei trygg og effektiv vann, avløps- og overvasshandtering.
• Eit godt og triveleg arbeidsmiljø med fokus på samarbeid og kompetanseutvikling.
• Gode pensjons- og forsikringsordningar
• Lønn etter tariff

Kontaktinformasjon

Hilde Hovden, einingsleiar kommunalteknikk, 92612855

Arbeidsstad

Rådhusvegen 11
6770 Nordfjordeid

Nøkkelinformasjon:

Arbeidsgivar: Stad kommune

Referansenr.: 4939442591
Stillingsprosent: 100%
Fast
Søknadsfrist: 16.04.2025