Vil du optimalisere produksjon, logistikk, innkjøp og samarbeid?

Vi ser etter ein motivert og omgjengeleg COO som får ansvaret for å optimalisere produksjonsprosessar, innkjøp og logistikk på tvers av fabrikklokasjonar, selskap og land.

Er du klar for ei skikkeleg utfordring? Då ynskjer vi å høyre frå akkurat deg!

Om stillinga

Saferoad-konsernet er delt inn i 4 business areas (BAs):

Traffic, Services, Restraint Systems og Infrastructure. 

BA Infrastructure består av selskapa Vik Ørsta AS, Brødrene Berntsen AS og AB, Moramast AB, Smekab Citylife og Saferoad Brasov. Som COO Saferoad Infrastructure vil du få ansvaret å optimalisere drifta på tvers av desse selskapa.

I dag omfattar dette produksjonsanlegg i desse landa:

• Norge: Ørsta, Vik i Sogn og Hønefoss
• Sverige: Mora og Önnestad
• Romania: Brasov

Som Chief Operating Officer i Saferoad Infrastructure blir du eit naturleg samlingspunkt og må ha både strategisk oversikt og evne til å bygge samarbeid på tvers av landegrenser og produksjonsstadar. 

Vi har eit sterkt fokus på konkurransekraft og berekraftig produksjon, og Lean management er vårt styringsprinsipp. 

Stillinga er nyoppretta og inngår i leiargruppa for Saferoad Infrastructure, med hovudkontor i Ørsta.

Kven vi ser etter

Vi ser etter deg som:

• har allsidig og brei leiarerfaring, gjerne frå industri.
• er klar og tydeleg i kommunikasjon og oppfølging.
• har kunnskap om Lean som styringsprinsipp.

Om søknaden

Søknad, CV og relevante vedlegg sendast via lenke på denne sida. Har du spørsmål om utfylling av CV? Kontakt gjerne Jobbnorge på tlf. 75 54 22 20.

Har du spørsmål om stillinga?
Kontakt gjerne SVP Infrastructure Kjetil Nesset, tlf. 911 67 921.

Flytte til Ørsta?

Vil du ha kort veg til jobb, barnehage og SFO? Då er Ørsta staden for deg og familien din. Her finn du vakker natur og gode jobbmoglegheiter. Ørsta ligg sentralt til på Sunnmøre, med tilgang til både kyst- og fjellområde for gode naturopplevingar. Her kan du nyte skiturar om vinteren og båtliv om sommaren.

I tillegg er regionen kjend for sitt sterke næringsliv, med moglegheit for personleg og profesjonell utvikling. Med lokal flyplass er vegen kort til resten av verda.

Ørsta og Sunnmøre er ein flott stad å bu og arbeide, så kvifor ikkje flytte hit og starte eit nytt eventyr med familien din?

Stolte av produkta våre spør du?

– Eg er litt stolt av at vi lagar dette her. Og det trur eg borna mine også er.

Gode Kjell! Og Katrin. Og Egil Johan. Og Leifen. Og alle andre fine folk i Vik Ørsta!

75 år med norsk industrihistorie frå to små bygder på Vestlandet. Klart det er lov å vere stolt. Vi går for 75 år til. Minst!

Video: Nanseth Media

. Video: https://youtu.be/TbWMxh1wli4?si=sjCZSNQhfxZTVaea