Om arbeidsstaden

Samfunnsutvikling er ei eining med om lag 35 tilsette og blir leia av kommunalsjef. I denne eininga inngår folkehelse, plan- og byggesak, drift og vedlikehald, brann og redning, beredskap, eigedomsforvaltning og utbyggingsprosjekt.

Plan- og byggesaksavdelinga er leia av plan- og byggesakssjef. Avdelinga arbeider med fagområda bygge- og delesaker, private reguleringsplanar, oppmåling, matrikkel og forureining. 

Om stillinga

Austevoll kommune har fleire ledige faste rådgjevarstillingar innanfor byggesaksbehandling. I tett samarbeid med engasjerte kollegaer vil du bidra til effektivisering av kommunen sine tenester og fremme tverrfagleg samhandling. Som byggesaksrådgjevar vil du vere med på å gje innbyggarane god service og rettleiing, og sikre kvalitet og effektivitet i behandlinga av byggesaker. 

Vi søker engasjerte og kvalifiserte personar med utdanning på relevant masternivå og ei genuin interesse for byggesaksbehandling til å bli ein del av vårt team ved å ta del i spennande oppgåver som synfaring, tilsyn, rettleiing av publikum, dialog med utbyggarar og andre mynde, matrikkelføring, samt førebuing og rapportering til politisk utval. 

Dette vil vere ein arbeidstad kor du kan gjere ein reell forskjell. Søk no og bli ein del av kommunen sitt viktige arbeid med å skapa ei betre framtid for Austevoll samfunnet. 

Ansvars- og arbeidsoppgåver

• Behandle byggesaker og dispensasjonar etter plan- og bygningslova
• Behandle løyve til utslepp etter forureiningslova
• Eigarseksjonering
• Råd og rettleiing til publikum 
• Tverrfagleg samhandling med andre fagområde i kommunen 
• Førebuing av saker til politisk behandling 

Kvalifikasjonskrav

Kvalifikasjonskrav

• Under utdanning på relevant masternivå. Dette kan f.eks. vere studium innan jus, arkitektur, miljø og naturforvaltning og samfunnsfag. 
• God munnleg og skriftleg framstillingsevne på norsk. Skriftspråket er nynorsk.
• Førarkort klasse B
• Internasjonale gradar må vere godkjent av NOKUT

Ønskeleg med:

• Kjennskap til plan- og bygningslova, med tilhøyrande forskrifter
• Kjennskap til offentleg forvaltning
• Relevant arbeidserfaring frå saksbehandling

Personlege eigenskapar

• Sjølvstendig og strukturert 
• Løysingsorientert og har gjennomføringsevne 
• Har gode kommunikasjons- og samarbeidsevner, men trivst også med sjølvstendig arbeid
• Lære- og samarbeidsvillig 
• Positiv og har evne til å bidra til eit godt arbeidsmiljø
• Samfunnsengasjert 
• Søkar må vere personleg eigna

Vi tilbyr

• God opplæring og rettleiing 
• Varierte og utviklande oppgaver i framtidsrettede fagområder 
• Moglegheit for fagleg utvikling i eit godt og positivt fagmiljø 
• Spennande utfordringar 
• Løn etter kvalifikasjonar 
• Delvis heimekontor 
• Fleksibel arbeidstid 
• Gode pensjons- og forsikringsordningar 

Slik søker du

Send søknad og CV ved å klikke på knappen merka "Søk stilling" på denne sida.

Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.

Ikkje send søknad på e-post til enkeltpersonar i kommunen.

Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.