Me søker:

deg som er interessert i jobb med varierte drifts -og vedlikehaldsoppgåver på både bygg og uteområder i Vindafjord kommune. Me treng deg med oss på laget.

Me har ledig ein 100% fast stilling som byggdriftar/fagarbeidar frå snarast.

Kva får du jobba med hos oss?

• Drift- og vedlikehald av kommunale bygg, eigedomar, idretts- og grøntanlegg. Arbeidsmetodane er i stadig endring, så andre og nye oppgåver på avdelinga kan bli aktuelle.

Me kan tilby:

• Ein jobb med meining og faglege utfordringar som vil gi deg meistring.
• Arbeid med engasjerte kollegaer som ønsker at du skal trivast og lykkast.
• Moglegheiter for etter- og vidareutdanning i samsvar med vår kompetanseplan.
• Moglegheiter for å søka om stipend for relevant kompetanseutvikling.
• Støtte og opplæring for å hjelpa deg å komma godt i gong i den nye rolla di.
• Kjekke ansattgoder som blant anna gratis parkering, rabatt på treningssenter og tilbod om gunstig mobilabonnement.
• Moglegheit for å bli med i bedriftskunstlaget og kommunalt kor (KORe’ Vindafjord).
• Ein av Norges sikraste pensjonsordningar: offentleg tenestepensjon. 
• Forsikringsordningar som gruppelivsforsikring, yrkesskadeforsikring og tenestereiseforsikring.
• Lønn etter gjeldande tariff og avtaleverk.

Kvalifikasjonar:

• Du har erfaring, praksis og formell kompetanse som gjer at du er kompetent til å vera med på laget vårt. Helst har du fagutdanning som byggdriftar, elektrikar, røyrleggar, automasjonsteknikar, tømrar, gartnar/anleggsgartnar eller nærliggande fagområde
• Interesse for – og erfaring frå arbeid på uteområde t.d. gartnar/anleggsgartnar
• Ha noko digital/datakompetanse
• Førarkort klasse B, biltilhengar klasse E er ein fordel men ikkje krav.
• Erfaring kan vega opp for manglande fagbrev, (og det vil vera moglegheit for å ta fagbrev ved oppnådde erfaringskrav).
• Du må beherska godt norsk, både skriftleg og munnleg. Skriftspråket i kommunen er på nynorsk.

Personlege eigenskapar:

• Vera positiv og serviceinnstilt og kunne kommunisera og samarbeida med andre.
• Kunne arbeida sjølvstendig, og ta ansvar for eigen arbeidskvardag.
• Ha vilje til å læra nye ting, og ønskje om å utvikla deg innan fagfeltet
• Har evne til å arbeide strukturert og søkje innovative løysingar som kan effektivisere arbeidet vårt.
• Du må ikkje vere redd for å ta i eit tak, også utanfor primærområde.

Personlege eigenskapar vil bli vektlagt.

Slik søker du: 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.

Link til søknadsskjema: Søk her