Har du lyst til å bidra til eit godt oppvekstmiljø?

Me har ledig to 100% mellombelse stillingar i perioden 20.10.25 -12.08.26.

Flåm barnehage ligg fint til inst i Aurlandsfjorden på Lunden. Her har me gode moglegheiter til å bruke naturen kring oss. I denne barnehagen er  to avdelingar med 8 tilsette og 27 barn.

Aurland kommune søker etter engasjerte  og omsorgsfulle fagarbeidarar. Me vil at barna våre skal møte engasjerte, kompetente og trygge vaksne i barnehagen.

I barnehagen bør barna få ulike opplevingar og utfordringar, samt at dei føler meistring. Kan du bidra til dette, og ynskjer det beste for barna, vil me gjerne ha deg med på laget.

Arbeids- og ansvarsområde

• delta aktivt i barna sin leik og aktivitetar
• skape trygge og gode relasjonar til barne
• observere og følge opp einskilde barn og barnegrupper
• bidra til barna sine sosiale, motoriske og språklege utvikling
• bidra til eit godt og inkluderande miljø for både barn og vaksne
• delta i møter, kurs og intern opplæring
• utføre praktiske oppgåver
• bidra i planlegging og gjennomføring av pedagogiske opplegg
• medverke til gode rutinar og struktur i kvardagen

Kvalifikasjonar

• fagbrev som barne- og ungdomsarbeidar
• erfaring frå arbeid i barnehage kan erstatte fagbrev.  Me gir deg god opplæring om du er nyutdanna

Me tilbyr

• ei utfordrande stilling med moglegheit for utvikling og fagleg påverknad 
• eit utviklingsorientert arbeidsmiljø 
• gode pensjons- og forsikringsordningar 
• løn etter tariff 
• tilbod om minimum 6 års tilleggsansiennitet for fagarbeidarar
• god ordning for etter- og vidareutdanning
• gratis inngang til treningsrom i Aurlandshallen (førebels til og med 2025)
• gratis inngang til symjehallen  førebels til og med 2025)
• å formidle kontakt med utleigar av ledige husvære 
• eventuell informasjon om ledige stillingar til partnar, samt moglegheit for utlån av kontorfasilitetar (kontorhub)
• barnehageplass i Aurland barnehage

Sjå gjerne informasjonsbrosjyre om kommunen vår  her.

. Video: https://youtu.be/aFXLAnqaUbI

Personlege eigenskapar

Barna skal møte engasjerte, kompetente og trygge vaksne. Me vil difor at du: 

• er  engasjert  og løysingsorientert
• vil bidra aktivt til eit godt arbeidsmiljø
• er fleksibel og endringsvillig
• er ein tydleg rollemodell 
• vil ta initiativ i det daglege arbeidet 

Verdiane våre er:  L-Æ-R, som står for Likeverd, Ærlegdom og Respekt.  

Krav til språk

Du må kommunisere godt på norsk, både munnleg og skriftleg. Aurland kommune nyttar nynorsk som målform.

Løns- og tilsetjingsvilkår

• tilsetting, løn og arbeidsvilkår i samsvar med gjeldande lovverk, reglement og tariffavtale
• krav om politiattest etter barnehagelova av nyare dato

Generell informasjon

Aurland kommune praktiserer meiroffentlegheit og kunngjer forenkla søkarlister til ledige stillingar. Søkarar, som har oppmoda om at namnet blir unnateke søkarlista, må krysse av for dette og grunngje valet i søknadsteksten. Me tek kontakt med søkarar som har bedt om dette, dersom me meinar at grunngjevinga ikkje er tilstrekkeleg. 

Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Me oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengende yrkeskarriere. 

Me ynskjer deg velkomen som arbeidssøkar i Aurland kommune.

NB! Me overfører nytilsette direkte til lønsystemet vårt, det er difor veldig viktig at du skriv namnet ditt slik det er registrert i folkeregisteret når du søker stilling, samt at du skriv med stor forbokstav.