Vik kommune har ledig nyoppretta 100 % fast stilling som avdelingsleiar i heimebaserte tenester – open omsorg 1. Stillinga er ei dagtidsstilling med arbeid måndag til fredag, 37,5 timars veke. Det er moglegheit for fleksitid, med kjernetid mellom kl 8 – 14. Stillinga er todelt med om lag tre dagar per veke med administrativt arbeid, og om lag to dagar i avdeling.

Om arbeidsstaden

Kommunen er liten men tenkjer stort, og bygger nye og moderne lokale med sjukeheim, lokale til heimetenester, psykiatri, psykolog, institusjonskjøkken, dagtilbod, rehabilitering og omsorgsbustader. Bli med på spanandeframtidsretta utvikling i kommunen!

Heimebaserte tenester yter tenester til alle typar pasientgrupper. Me jobbar med alle typar sjukepleiefaglegeprosedyrar, og gir både avansert lindrande behandling, sårbehandlingar og mykje meir. Det er tett samarbeid mellom heimebaserte tenester, Vik helse- og omsorgssenter, psykiatri/rus og rehabiliteringsavdelinga.

Tenesta Open omsorg 1 omfattar: 

• Heimesjukepleie
• Heimehjelp
• Dagsenter for eldre

Arbeidsoppgåver

• Dagleg oppfylgjing av vaktbok – vikarinnleige, sjukefråvær, bemanning
• Ansvar for digitale arbeidsprogram
• Arbeid med kvalitetssystem – prosedyrar og avvik, saman med tenesteleiar
• Fagansvar
• Delta i tverrfaglege samarbeid
• Oppfylgjing av vedtak
• Samarbeide med brukarar og pårørande, med mål om at brukaren skal bu heime lengst mogleg
• Være ein sentral del i arbeidet med å vidareutvikla organisasjonen

Kvalifikasjonskrav

• Norsk aut. sjukepleiar
• Gode norsk kunnskapar, både munnleg og skrifteleg.
• Det er ein fordel om ein har leiarerfaring og erfaring som utøvande sjukepleiar

Personlege eigenskapar

• God digital ferdigheit
• Være god på planlegging, samt ha ein god gjennomføringsevne
• Kunne arbeide sjølvstendig og strukturere kvardagen
• Vere fleksibel og løysingsorientert
• Gode haldningar og evne til etisk refleksjon
• Vere tydeleg i din kommunikasjon med andre
• Gode evner til å motivere, rettleie og til å skape engasjement
• Gode samarbeidsevner og er ein rollemodell fo sine kollega
• Har godt humør og er oppteken av å skape eit godt arbeidsmiljø

Løns- og tilsetjingsvilkår

Løn- og tilsetjingsvilkår i samsvar med gjeldande avtaleverk. Kommunen har gode forsikrings- og pensjonsordningar.

Den som vert tilsett må levera politiattest av nyare dato.

Andre opplysningar

Vik kommune praktiserer meiroffentlegheit. Dersom du ikkje ynskjer at namnet ditt skal offentleggjerast, må du grunngje dette i søknaden.

Søknadsprosedyre

Alle søknader på ledige stillingar i Vik kommune skal registrerast elektronisk i søknadsportalen. Me ber om at eventuell dokumentasjon på utdanning og arbeidserfaring blir lasta opp i portalen, saman med søknaden.

Dersom du treng hjelp med søknaden, kan du ta kontakt på tlf. 57 69 82 00.

Link til søknadsskjema: Søk her