Stillinga er for tida i turnus med langvakter og arbeid 4. kvar helg. Stillinga er ledig frå dags dato.

Bismotunet bufellesskap er ein del av heimetenesta for funksjonshemma i Skjåk kommune. Dette er eit heildøgns bemanna bufellesskap med vaksne bebuarar og avlastningsplassar for barn og unge. Arbeidskvardagen vil variere frå naudsynt helsehjelp til turar i den flotte naturen vi har i Skjåk. Vi har fokus på at våre tenestemottakarar skal vere i aktivitet ilag med våre tilsette.

Arbeidsområde

Du vil utføre oppgåver knytt til målretta miljøarbeid med barn- unge – og/ vaksne personar med behov for bistand i daglege gjeremål.

Kvalifikasjonar

• Helsefagarbeidar eller barne — og ungdomsarbeidar er ynskjeleg, men erfaring frå liknande arbeid kan kompensere for utdanningskravet

• Førarkort klasse B

• Godkjent politiattest

Vi vektlegg at du

• Har erfaring frå liknande arbeid og målretta miljøarbeid med barn og vaksne

• Er fleksibel i høve til omstillingar

• Har evne til å arbeide sjølvstendig

• Har gode samarbeidsevner

• Trivst med å vere i aktivitet

• Ynskjer å nytte tilgjengeleg teknologi som til dømes meistringsteknologi i arbeidskvardagen

• Har god norskkunnskap, kommunen har nynorsk som administrasjonsspråk

• Dokumenterer i høve til lov og forskrift

Arbeidet kan vere fysisk belastande.

Vi tilbyr

• Tilsetting på kommunale vilkår med løn etter avtale

• Grundig opplæring og relevante kurs for arbeidet

• Pensjonsordning i KLP

Spørsmål kan rettast til tenesteleiar Gudrun Teigen mobil 95982598.

Søknadsfrist 15. oktober 2025

• Elektronisk søknadsskjema

• Søkjarlista vil bli offentleggjort. Skjåk kommune praktiserer meiropenheit ved tilsetjingar. Dette inneber at du som søkjar må grunngje særskilt om du ønskjer unntak frå offentlegheit.

Kommunedirektøren