Midlertidig stilling som kontor-/administrasjonsmedarbeidar

Med om lag 1900 studentar er Fagskulen Vestland ein av dei største fagskulane i landet. Fagskulen utdannar mellom anna morgondagens prosjektleiarar og mellomleiarar. Fagskulen Vestland har åtte studiestadar frå Måløy i nord til Stord i sør. Vi er om lag 200 tilsette.

Fagskuleutdanning er ei høgare yrkesfagleg utdanning som byggjer på vidaregåande opplæring eller tilsvarande realkompetanse. Vi samarbeider tett med arbeidslivet i Vestland om å utvikle framtidsretta utdanningar, både studium som strekk seg over fleire år og kortare utdanningar. Fagskuleutdanninga har høg arbeidsrelevans og våre uteksaminerte studentar er attraktive i arbeidsmarknaden.  Utdanninga gir studentane ein kombinert praktisk og teoretisk kompetanse som kvalifiserer til stillingar som krev både teknisk innsikt og leiarkompetanse.

Om stillinga

Fagskulen Vestland har ledig ei 2-årig midlertidig stilling knytt til Servicetorget på studiestaden Nordnes. I Servicetorget handsamer vi ulike førespurnader frå studentar, tilsette og gjester på e-post, telefon eller ved oppmøte. Stillinga har sin arbeidsplass i Servicetorget.

Det er viktig at du arbeider sjølvstendig og systematisk med oppgåvene, og samtidig har gode samarbeidsevner og er serviceinnstilt. Administrasjonsspråket i Vestland fylkeskommune er nynorsk.

Arbeidsoppgåver

• Ekspedisjon/posthandtering
• Arkivering og postfordeling i sak- og arkivsystemet (Elements)
• Innkjøp (økonomisystem Visma Enterprise Plus)
• Enklare sakshandsaming (Elements)
• Administrative driftsoppgåver knytt til tenester ved Servicetorget
• Andre oppgåver kan bli lagt til stillinga

Kvalifikasjonar

• Administrativ utdanning / fagbrev / relevant arbeidserfaring
• Kjennskap til studentadministrative system, LMS og liknande er ein føremon
• Gode IKT kunnskapar
• God skriftleg framstillingsevne 

Personlege eigenskapar

• Har gode samarbeidsevner
• Er initiativrik og sjølvstendig
• Trivst med utfordringar
• Nøyaktig og systematisk
• Er serviceinnstilt

Vi tilbyr

• Eit triveleg og godt arbeidsmiljø
• Gode offentlege pensjons- og forsikringsvilkår
• Løn og lønsutvikling i tråd med Vestland fylkeskommune sin lønspolitikk

Kontaktinformasjon

Hege Aarethun, Administrasjonsleiar, +47 99509287, hege.aarethun@vlfk.no

Arbeidsstad

Haugeveien 28
5005 Bergen

Nøkkelinformasjon:

Arbeidsgivar: Vestland fylkeskommune

Referansenr.: 5025848730
Stillingsprosent: 100%
Anna
Søknadsfrist: 22.10.2025