Vil du gjere ein forskjell for andre?
Miljøtenesta i Bømlo kommune søkjer ein engasjert og omsorgsfull miljøarbeidar til fast helgestilling med arbeid annakvar helg. Me ser etter deg som ønsker å bidra til ein meiningsfull kvardag for vaksne innbyggjarar med utfordringar knytt til psykisk helse og/eller rus.

Om oss
Psykisk helse og rus er ei verksemd med over 20 dedikerte tilsette, fordelt på rustenesta, psykisk helse, miljøtenesta, Nyving møteplass og aktivitetstilbod. Miljøtenesta gir praktisk og personleg støtte til vaksne som treng hjelp i dagleglivet, og arbeider for at kvar enkelt skal meistre kvardagen best mogleg.

Me håpar du vil bli vår nye kollega og ser fram til å motta din søknad! Oppstart etter avtale.

Arbeidsoppgåver

• Personleg og praktisk bistand tilpassa den enkelte sine behov.
• Utlevering av medisinar.
• Følgje til diverse praktiske ærend og avtalar.
• Tilsyn og oppfølging.
• Bidra til tryggleik, forutsigbarheit og stabilitet.

Kvalifikasjonar

• Relevant helsefagleg utdanning/ fagbrev er ønskjeleg, men studentar og elevar innan helsefag vert og oppfordra til å søkja. Søkjarar utan utdanning kan og bli vurdert.
• Erfaring frå arbeid med menneske er ein fordel, men ikkje eit krav. 
• Det er krav om førarkort. 

Personlege eigenskapar

Me ser etter deg som:

• Er imøtekommande, omgjengeleg og har gode samarbeidsevner.
• Har god relasjonskompetanse og kommuniserer godt.
• Er trygg, ansvarsbevisst og strukturert.
• Er fleksibel og reflektert, og taklar uforutsette situasjonar.
• Kan arbeide sjølvstendig og bidra til eit positivt arbeidsmiljø.

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. 

Me tilbyr

• Varierte og spennande arbeidsoppgåver i ein flott kommune.
• Faglege og personlege utfordringar i eit godt og inspirerande arbeidsmiljø.
• Gode offentlege pensjons- og forsikringsordningar.
• Løn og arbeidsvilkår i samsvar med gjeldande lov og avtaleverk.
• Medlemskap i vår kommunale velferdsklubb.

Anna

• Det vert stilt krav om politiattest ved tilsetjing etter Helse og omsorgstenestelova § 5.4. 
• Bømlo kommune ser på inkludering og mangfald som ein styrke, og vil oppmode alle kvalifiserte søkjarar om å søkje stilling uavhengig av bakgrunn.
• Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25.

Synes du stillinga ser interessant ut, og samsvarar med dine kvalifikasjonar og interesser, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din.

Dersom du har spørsmål om stillinga og rekrutteringsprosessen, ta kontakt med Bente Martens eller Synnøve Sørvik.

Kontaktinformasjon

Bente Martens, Avdelingsleiar v/Miljøtenesta og Nyving møteplass og aktivitetstilbod, 479 77 804, Bente.Martens@bomlo.kommune.no
Synnøve Sørvik , Verksemdsleiar Psykisk helse og rus, 986 62 884, Synnove.Sorvik@bomlo.kommune.no

Arbeidsstad

Bøtun 3
5430 Bremnes

Nøkkelinformasjon:

Arbeidsgivar: Bømlo kommune

Referansenr.: 5023860367
Stillingsprosent: 26%
Fast
Søknadsfrist: 24.10.2025