Ambulansetenesta i Helse Førde ligg organisert i Prehospital avdeling i Kirurgisk klinikk. Tenesta har ansvar for all ambulanseverksemd i Sogn og Fjordane.

Tenesta arrangerar vikar-/forskriftskurs for ambulanseassistentar med oppstart i desember 2025. Kurset går over 4 obligatoriske helgar i første halvår av 2026.  

• 12-14 desember 2025    Samling 1. Opptak og introduksjon
• 24-25 januar 2026     Samling 2. Prehospital handtering-medisinsk
• 13-15 februar 2026      Samling 3. Prehospital handtering-traumer
• 18-19 april 2026       Samling 4. Simulering-og ferdigheitstrening

Kursdatoar er tentative, med atterhald om endringar. Det er obligatorisk frammøte​.

Sjå Helse Førde og ambulansetenesta for meir informasjon om kurset og kvalifikasjonskrav: Forskriftskurs – ambulanseassistent

Gjennomført og bestått kurs, vil kvalifisere for vikariat og engasjement. Tenesta er gjennom akuttmedisinforskrifta detaljregulert opp mot kvalifikasjonskrav. Forskrifta vart revidert våren 2022 med skjerpa kompetansekrav. 

Kurset blir gjennomført i regi av Helse Førde med mål om rekruttering av tilsette til eiga teneste, og er ikkje tenkt som eit kurs for den opne marknaden. Kurset stettar minstekravet/unntaksregel for å kunne jobbe i ambulansetenesta for ekstravakter og korttids-engasjement for dei utan helsefagleg autorisasjon. Det er ein innfallsport for å kunne jobbe som ambulanseassistent etter å ha fått autorisasjon som helsepersonell og bli autorisert ambulansearbeidar på sikt.  

I søknaden ber vi dykk om å spesifisere geografisk område (lokalsjukehusområde) de primært ønskjer å jobbe i etter endt kurs. Vikarar må pårekne å jobbe ved fleire stasjonar.

Deltakarar må vere budde på at tilbodet om vakter vil vere ved fleire av stasjonane våre, fordelt på både større og mindre stasjonar.

Deltakarar som ferdigstiller kurs uten å fullføre binding om arbeid, vil bli belasta kursavgift på kr 20.000,-.  

Kvalifikasjonar

• Vilkåra for å få kursplass er at personellet har helsefagleg autorisasjon eller kan dokumentere å vere i utdanningsløp som gir helsefagleg autorisasjon
• Førarkort klasse B
• Førarkort klasse C1 (må vere på plass til oppstart av vakter sommaren 2026).    
• Kursdeltakarar må stette tenesta sine fysiske krav første kurshelg før ein får halde fram i kurset.
• God fysisk og psykisk helse. Ved søknad må søkjar omtale eigen fysisk form. Det er fysiske testar ved opptak. 
• Tilfredsstille medisinske krav førerkort klasse D.

Personlege eigenskapar

• Imøtekomande, høfleg, positiv og serviceinnstilt
• Pasientorientert med respekt for den einskilde pasient
• Gode samarbeids- og kommunikasjonsevner
• Evne til å jobbe sjølvstendig og godt i team
• Vise gode evner til å jobbe med akuttmedisin
• Trivst med å jobbe i eit team med tidvis hektisk og høg aktivitet
• Pliktoppfyllande
• Bidra til eit godt arbeidsmiljø

Vi tilbyr

• Kurs som gir høve til vikariat og engasjement i tenesta
• Triveleg arbeidsmiljø med høve til å påverke eigen arbeidsplass
• Fagleg og personleg utvikling
• Kompetanseutvikling i form av fagstige

Mangfoldserklæring
Føretaksgruppa i Helse Vest ønskjer  å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Kontaktinformasjon

Per-Erik Eide Hjelle, Opplæringsansvarleg, 915 84 784
Frank Haukereid Reksnes, Seksjonsleiar, 412 86 285
Stian Sægrov, Avdelingssjef, +47 415 30 512

Arbeidsstad

Svanehaugvegen 2
6812 Førde

Nøkkelinformasjon:

Arbeidsgivar: Helse Førde

Referansenr.: 5022237532
Stillingsprosent: 100%
Anna
Søknadsfrist: 16.11.2025