Haram omsorgstenester har fram til no vore eitt samla tenesteområde under kommunalområdet helse og omsorg saman med Haram butenester og Koordinering og tildeling. For å styrke leiing, kvalitet og oppfølging, har kommunen no vedteke å dele omsorgstenestene i to geografiske distrikt – og vi søker ein strategisk og engasjert tenesteleiar til Indre omsorgsdistrikt.

Det nye tenesteområdet omfattar: Eidet omsorgssenter, Eidet dagsenter, Heimetenestene Indre og Brukarstyrt personleg assistanse (BPA)

Du får ei nøkkelrolle i ein sektor med høgt ansvar og stor kompleksitet – og blir ein sentral aktør i utviklinga av tenester som betyr mykje for både brukarar, pårørande og tilsette. Vi ser etter ein leiar som både evnar å tenke stort og handle nært – som vil vere tett på medarbeidarane, og som samtidig vil bidra til å forme framtida sine omsorgstenester.

Dette er ei stilling for deg som vil gjere ein forskjell – både for menneska du leiar, og for innbyggarane du jobbar for.

Haram kommune er oppteken av gode, heilskaplege tenester, og har fokus på arbeid på tvers av tenesteområda for å skape gode tenester for innbyggjarane våre. I Haram jobbar vi for å spele kvarandre gode.

Arbeidsoppgåver

• Overordna ansvar for drift og fagleg utvikling i Indre omsorgsdistrikt
• Personalansvar for avdelingsleiarar og oppfølging av arbeidsmiljø
• Økonomistyring og budsjettansvar
• Sikre kvalitet, HMS og gode pasientforløp
• Strategisk utvikling og implementering av tiltak
• Samarbeid med pårørande, tillitsvalde og interne/eksterne aktørar
• Bidra til koordinering og samhandling på tvers av tenesteområda

Kvalifikasjonar

• Autorisasjon som sjukepleiar
• Ønskeleg med vidareutdanning innan leiing eller administrasjon
• Erfaring frå leiing i helse- og omsorgstenester er ein fordel
• God forståing for økonomistyring, HMS og kvalitetsarbeid
• Kjennskap til offentleg forvaltning og relevante lovar og forskrifter
• Gode digitale ferdigheiter og erfaring med fagsystem

Personlege eigenskapar

• Trygg og tydeleg leiar med evne til å motivere og utvikle medarbeidarar
• Gode samarbeidsevner og god relasjonskompetanse
• Strukturert og målretta med evne til å prioritere og ta beslutningar
• Strategisk blikk kombinert med nærleik til drift og menneske
• Engasjert, løysingsorientert og utviklingsfokusert
• Personleg eignaheit vil bli vektlagt

Vi tilbyr

• Ei spennande og strategisk leiarstilling i eit nyoppretta tenesteområde
• Moglegheit til å påverke og utvikle helse- og omsorgstenestene i kommunen
• Eit engasjert fagmiljø og ei støttande leiargruppe
• Varierte og meiningsfulle arbeidsoppgåver
• Godt samarbeid med dyktige kollegaer og fagpersonar
• Løn etter avtale
• Gode pensjons- og forsikringsordningar gjennom KLP

Kontaktinformasjon

Elin Katrin Vegsund, Kommunalsjef, +47 90853777, elin-katrin.vegsund@haram.kommune.no

Arbeidsstad

Trolldalssletta 12
6264 Tennfjord

Nøkkelinformasjon:

Arbeidsgivar: Haram kommune

Referansenr.: 5016688156
Stillingsprosent: 100%
Fast
Startdato: 05.01.2026
Søknadsfrist: 12.10.2025