Om stillinga

Sveio kulturskule har ledig fast stilling som danselærar (16 %)

Sveio kulturskule har om lag 100 elevplassar innan musikk og dans. I tillegg har kulturskulen ansvar for dirigentteneste i Sveio skulekorps.

Vigdartun kultursenter rommar mellom anna kulturskulen, folkebiblioteket, ungdomsarbeid og administrasjon av fritidssone delen av bygget. Med kulturdel, idrettshall og dansesal i Vigdartun, er dette eit levande senter for både idrett og kultur. Satsing på kultur, idrett og frivillig arbeid er grunnleggjande for at innbyggjarane skal kunna leva eit aktivt og meiningsfullt liv i Sveio. I Vigdartun kultursenter legg vi til rette for aktivitet og opplevingar.

Arbeidsoppgåver

Vi har i dag grupper i klassisk og moderne dans, men tilbodet kan tilpassast etter kompetansen til den tilsette danselæraren. Undervisninga går føre seg på Vigdartun kultursenter og er delt inn i aldersbaserte grupper. Dansetimane vert haldne ein ettermiddag i veka. I tillegg må ein rekna med å delta på nokre personalmøter og konsertar/framsyningar på andre dagar gjennom skuleåret.

Kvalifikasjonar

• 3-årig høgskule- eller universitetsutdanning med dans/pedagogikk i fagkrinsen 
• Relevant praksis og/eller pågåande utdanning innan fagområdet kan vurderast for engasjementstilling ved manglande formell utdanning
• Engasjement og erfaring frå arbeid med barn og unge
• Erfaring med gruppeundervisning
• Kompetanse innan ulike danseformer, til dømes klassisk ballett, moderne dans, jazzdans eller andre sjangrar
• Gode norskkunnskapar, både munnleg og skriftleg
• Personleg eignaheit vert vektlagt
• Vandelsattest krevst

Personlege eigenskapar

• Evne til å bygge gode relasjoner til barn og skape eit trygt læringsmiljø
• Evne til å arbeide sjølvstendig og strukturert
• Gode samarbeidsevner og kommunikasjonsevner
• God omstillingsevne
• Engasjement for kulturskuleverksemd og elevane si utvikling
• Kreativitet og fleksibilitet i møte med ulike elevbehov

Vi tilbyr

• Utfordrande og lærerikt arbeid i eit engasjert og fagleg kompetent arbeidsfellesskap 
• Eit fagmiljø under utvikling som du får vere med å påverke og utvikle 
• Løn etter avtale, og gode pensjons- og forsikringsordningar