Helse Fonna lyser ut postdoktorstipend i 50% stilling i inntil 6 år. Stillinga er plassert i Avdeling for forsking og innovasjon.  
Stipendet er spesifikt knytt til ei strategisk satsing finansiert av midlar frå det regionale samarbeidsorganet i Helse Vest. Satsinga har tittelen:  «Når mindre er betre» – Strategisk satsing med fokus på ned-skalering av lågverditiltak i sjukehus». 
 
Kort om satsinga:  
"Lågverditiltak" (LVT) (low value care) er tiltak eller tenester som gir liten eller ingen nytte for pasienten, sett opp mot kostnadar, risiko, tilgjengelege alternativ og pasientpreferansar.  Gjennom tett samarbeid med kliniske miljø, særleg innan ortopedi og radiologi, vil satsinga bidra til økt kunnskap for ei meir berekraftig helseteneste. Satsinga er leia av forskarar i Helse Fonna i samarbeid med nasjonale og internasjonale forskingsmiljø. 

Arbeidsoppgåver

• Planlegge og gjennomføre dei største delstudiane i satsinga
• Samarbeide med forskingsgruppa og med kliniske miljø om datainnsamling

Kvalifikasjonar

• PhD (PhD-kandidat i sluttfasen kan også søke)
• God kjennskap til eksisterande regelverk for forsking
• God munnleg og skriftleg (akademisk) framstillingsevne på norsk og engelsk
• Kjennskap til/ erfaring med kvalitativ og kvantitativ forskingsmetode
• Helsefagleg eller medisinsk utdanning og erfaring frå arbeid i norsk/ nordisk helseteneste er ein fordel

Personlege eigenskapar

• Evne til sjølvstendig arbeid og sikre framdrift i prosessar
• Gode koordineringsevner og evne til samarbeid i forskingsgruppe og med kliniske miljø
• Evne til å skape engasjement og eit positivt arbeidsmiljø rundt seg
• Grunnleggande engasjement for forbetring av helsetenester

Vi tilbyr

• Godt forskingsmiljø innan eit forskingsområde i stor utvikling
• Nødvendig forskingsstøtte og -utstyr

Stipendsats tilsvararande Helse Vest sine stipendsatsar. Om ynskjeleg kan høgare stillingsandel enn 50% fordelt over tilsvarande kortare tidsperiode vera aktuelt.

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Heidi Breistrand Bringsvor, Seniorforsker / Forskningsrådgiver , 90938213 , heidi.breistrand.bringsvor@helse-fonna.no
Haldis Johanne Økland Lier, Forskningssjef, +47 95828763

Arbeidsstad

Karmsundgata 120
5528 Haugesund

Nøkkelinformasjon:

Arbeidsgivar: Helse Fonna HF

Referansenr.: 4994861057
Stillingsprosent: 50%
Engasjement
Startdato: 01.10.2025
Søknadsfrist: 10.08.2025