Vil du jobbe med rusfag og bidra til betre livskvalitet for andre?
Avdeling TSB har ledig eit vikariat i 100 % stilling som behandlar i vårt LAR-team, lokalisert ved Nordlandet DPS i Kristiansund.

Vi søkjer deg som er autorisert sjukepleiar eller vernepleiar – gjerne med relevant vidareutdanning. Målet vårt er å bidra til at pasientar med rus- og avhengnadsproblem opplever meistring og auka livskvalitet. Arbeidet omfattar individuelle samtalar og tett samarbeid med andre tenester.

Som LAR-behandlar får du hovudansvar for oppfølging av pasientar som får legemiddelassistert rehabilitering (LAR). Du vil arbeide tett saman med to andre LAR-behandlarar og vere ein del av det tverrfaglege fagmiljøet i poliklinikken i Molde, som inkluderer lege, psykolog, sjukepleiarar og sosialarbeidarar.
Du må trivast både med sjølvstendig arbeid og med samarbeid i team. Vi søkjer deg som er strukturert, trygg i rolla di og ser moglegheiter i ein variert arbeidskvardag.

Arbeidstida er for tida kvardagar kl. 08.00–15.30. Vi ber om at attestar og vitnemål vert lasta  opp som vedlegg til søknaden din.

Arbeidsoppgåver

• Oppfølgingsansvar for pasientar i planlagde og strukturerte forløp
• Eiga pasientportefølje i LAR med hovudansvar for oppfølging
• Medikamenthandtering og gjennomføring av overvaka legemiddelinntak
• Dokumentasjon og sakshandsaming i tråd med nasjonale faglege retningslinjer for TSB
• Samarbeid med fagpersonar frå spesialisthelsetenesta, kommunen og andre relevante instansar
• Internt samarbeid mellom Molde og Kristiansund – noko reising må påreknast (tenestebil er tilgjengeleg)
• Bidra med ditt faglege perspektiv i tverrfaglege drøftingar
• Noko ambulant verksemd må påreknast – eigen tenestebil vert stilt til disposisjon

Kvalifikasjonar

• Autorisasjon som sjukepleiar eller vernepleiar
• Ønskjeleg med vidareutdanning innan psykisk helsearbeid og rus – annan relevant kompetanse kan vurderast
• Erfaring frå rus- og psykisk helsearbeid er ein fordel
• Førarkort klasse B
• Gode norskkunnskapar (eller anna skandinavisk språk), både munnleg og skriftleg

Personlege eigenskapar

• Fleksibel, positiv og nytenkjande
• Evne til å arbeide sjølvstendig og i team
• Strukturert og systematisk i arbeidsforma
• Gode relasjonelle ferdigheiter
• God skriftleg framstillingsevne

Personlege eigenskapar vil bli vektlagde ved tilsetting.

Vi tilbyr

• Sterkt tverrfagleg samarbeid
• Rettleiing og fast internundervisning
• Ein inkluderande arbeidsplass
• Løn etter gjeldande overeinskomstar
• Medlemskap i god offentleg pensjonsordning og gunstige forsikringsvilkår
• På sikt vil LAR-teamet bli samlokalisert med vaksenpsykiatrisk poliklinikk ved SNR Kristiansund.

Kontaktinformasjon

Elisabet Kallset, Teamkoordinator, 90035212, elisabeth.kallset@helse-mr.no
Merethe Wenaas, Konst. seksjonsleiar, +47 97580780, Merethe.Wenaas@helse-mr.no

Arbeidsstad

Strandgata 1
6415 Molde

Nøkkelinformasjon:

Arbeidsgivar: Helse Møre og Romsdal HF

Referansenr.: 4989407330
Stillingsprosent: 100%
Vikariat
Søknadsfrist: 22.08.2025