Ledig 60% vikariat som fastlege

Tokke kommune søkjer etter fastlege i 60% vikariat frå 13.10.25 til 20.02.26.

Tokke legekontor har stabil legedekning med fire fastlegar som alle er spesialistar i allmennmedisin. Den eine av fastlegane er også spesialist i samfunnsmedisin og tilsett som kommuneoverlege i delar av stillinga. Kontoret har også ei 100 % stilling som LIS 1. Listetaket på fastlegelista ligg på 650 pasientar, men vert justert etter kommunale oppgåver og stillingsprosent. I tillegg er det sjukepleiar, bioingeniør, hjelpepleiar og kreftkoordinator i teamet. 

Legekontoret er organisert under kommunalområdet helse og omsorg med avdelingsleiar for helse som næraste leiar.  I avdeling helse ligg i tillegg psykisk helse og rus, helsestasjon- og skulehelseteneste inkl. jordmor, fysioterapi, ergoterapi og kreftpoliklinikk. Alle tenestane er samlokalisert med institusjon og heimeteneste. I tillegg er det tett samarbeid med to private fysioterapeutar med driftstilskot.

Legevakt utanom dagtid på kvardagar er i samarbeid med og organisert av Vinje kommune.

Arbeidsoppgåver

• Kurativt legearbeid og ø-hjelp/legevakt på dagtid
• Kollegial fråværsdekning
• Fagleg samarbeid med andre tenester, internt og eksternt 
• Kommunale oppgåver ved behov
• Legevaktarbeid Tokke/Vinje legevakt ved behov 

Kvalifikasjonar

• Godkjent norsk autorisasjon som lege
• Vaktkompetanse etter akuttmedisinforskriften
• Har erfaring med å takle akutte situasjonar
• Førarkort klasse B
• God framstillingsevne i norsk, munnleg og skriftleg
• Personlege eigenskapar vil bli vektlagd 

Personlege eigenskapar

• Arbeider målretta med pasientar
• Har god evne til å kommunisere og oppnå gode relasjonar til andre menneske
• Er fleksibel, løysingsorientert og positivt innstilt
• Kan jobbe sjølvstendig og strukturert
• Har gode samarbeidsevner og eit fagleg engasjement

Vi tilbyr

• Eit godt arbeidsmiljø med høg kompetanse
• Fokus på fagleg utvikling og konkurransedyktig løn
• Kontortid frå kl 08.00-15.30
• Avsett skjerma tid til administrasjon
• Veiledning og tilrettelegging under eventuell spesialisering i allmennmedisin
• Hjelp til bustad ved behov

Andre opplysningar:

Tokke kommune er oppteken av mangfald, og oppfordrar difor alle som er kvalifisert til å søkje uansett alder, kjønn, nedsett funksjonsevne og nasjonal eller etnisk bakgrunn. Vi tilpassar arbeidsplassen om du har behov for det.

Referansar vil bli kontakta etter avtale.
Politiattest av seinare dato må leverast ved tilsetting. 
Aktuelle søkjarar blir kalla inn til intervju.

Kopi av attestar og vitnemål sendast på oppfordring eller ved frammøte til intervju.

I samsvar med Offentleglova §25 kan namn på søkjarane gjerast offentleg.

Nærare informasjon om stillinga kan rettast til avdelingsleiar helse Evy Katrin Aamlid  tlf: 35075530/ 41100975, evy.katrin.aamlid@tokke.kommune.no, eller kommuneoverlege Lars Håvard Eriksen 35075560, lars.havard.eriksen@tokke.kommune.no

Velkomen som søkjar!

Kontaktinformasjon

Evy Katrin Aamlid, Avdelingsleiar, +47 41100975

Arbeidsstad

Revahaugvegen 4
3880 Dalen

Nøkkelinformasjon:

Arbeidsgivar: Tokke kommune

Referansenr.: 4992480072
Stillingsprosent: 60%
Vikar
Søknadsfrist: 10.08.2025