Vi treng ein drivande vassområdekoordinator til det viktige arbeidet med å fremje god miljøtilstand i elvar, innsjøar, kystvatn og grunnvatn. 

Vestland fylkeskommune er vassregionstyresmakt for Vestland vassregion og har ansvar for å koordinere arbeidet etter vassforskrifta. Målet for arbeidet er å verne om vassførekomstane våre og sikre berekraftig bruk av vatnet. Vassforvaltningsplanen for Vestland er ein heilskapleg plan for vassmiljøet og vassforvaltninga i Vestland. Planen skal følgjast opp og oppdaterast kvart 6. år. Dette vil på sikt gje betre miljøtilstand i vassdrag, kystvatn og grunnvatn. Vestland vassregion er delt opp i 9 vassområde.  

Vestland fylkeskommune har ledig ei fast stilling som vassområdekoordinator for to vassområde, med 50 % stilling i kvart vassområde. Dette gjeld det som i dag er vassområda Vest og Voss Osterfjorden. 

Vi er på søk etter ein drivande og samfunnsinteressert medarbeidar som har kunnskap og interesse for vassforvaltning. Kontorstaden er primært Bergen eller Voss. For særskilt interessante kandidatar kan vi ev også vere opne for å vurdere andre kontorstadar der vi har våre fagfolk. Du vil finne mange gode kollegaer både internt i vår seksjon for naturressursar, landbruk og reiseliv, og mange gode samarbeidspartnarar i kommunane og hos dei statlege etatane.

Arbeidsoppgåver

I stillinga skal du koordinere, prioritere og legge til rette for vassforvaltningsarbeidet i dei aktuelle vassområda. Gjennom arbeidet bidrar du til ei heilskapleg og økosystembasert vassforvaltning. Arbeidet krev nært samarbeid med alle kommunane i vassområda. Du skal ivareta samspelet mellom oppgåvene som skal løysast i fellesskap og oppgåver som skal løysast av den enkelte kommune.
Ei sentral oppgåve er å hjelpe kommunane til å utføre sine oppgåver etter vassforskrifta, og å få til samarbeid mellom kommunane og regionale etatar. Ein vassområdekoordinator arbeider for at kommunane i vassområdet skal bli enda betre til å ivareta vassmiljøet. Det betyr at du er ein pådrivar for tiltak der kommunane er sektorstyresmakt, som til dømes for vatn, avløp, jordbruk og arealplanlegging langs vassdrag. Du vil også vere ein viktig ressursperson for å informere om miljøtilstanden i vassdrag, grunnvatn og sjøen, påverknadar og moglege tiltak for å betre miljøtilstanden.

Dei viktigaste oppgåvene vil vere:  

• Dagleg drift av dei aktuelle vassområda, og gjennom det også vere ein felles fagressurs for kommunane
• Delta i arbeidet i vassregionen med å etablere gode prosessar for å få til ei heilskapleg vassforvaltning.
• Følgje opp vassforskrifta og miljømåla i vassforvaltningsplanen for Vestland.
• Arrangere møte i vassområda, og vere sekretær for vassområdeutvala
• Arrangere synfaringar langs vassdrag og sjøområde 
• Følgje opp og rettleie kommunane i vassområda innafor deira ansvarsoppgåver knytt til vassforskrifta og vassforvaltningsplanen. Dette inkluderer og å oppdatere nasjonale databasar (Vann-nett.no) med informasjon frå kommunane.
• Leggje til rette for samarbeid mellom kommunar i vassområda og å trekke inn Statsforvaltaren og andre sektorstyresmakter når det er behov for dette.
• Leggje til rette for lokal medverknad frå lag, organisasjonar, interessentar i planarbeidet.   
• Organisere og samordne overvaking av vassdrag, kyst og grunnvatn i vassområdet i samarbeid med Statsforvaltaren.
• Søke om støtte til finansiering av overvaking av vassmiljøet, kartleggingar og gjennomføring av tiltak.
• Bidra til å samordne prosessar mellom vassområdet og vassregionen.
• Bidra til grunnlag frå vassområda til oppdatert vassforvaltningsplanen for Vestland.
• Arbeide aktivt med formidling og informasjonsflyt mellom ulike etatar og interessentar.
• Arrangere samlingar for samråding og kompetansepåfyll i vassområda eller vassregionen.
• Utvikle gode samarbeidsmåtar innan fagfeltet  Arbeidet inneber nær kontakt med andre medarbeidarar i fylkeskommunen, og mykje utadretta kontakt med kommunar, Statsforvaltaren og andre statlege etatar, lag og organisasjonar. Det er noko reiseverksemd i samband med stillinga.

Kvalifikasjonar

Du må ha:

• Naturvitskapeleg utdanning (helst innan biologi eller naturforvaltning) 
• Utdanning på masternivå. Innplassering blir som rådgjevar/seniorrådgjevar. Kravet til utdanning kan fråvikast for søkjarar som har særs god og relevant praksis, og dette vil då påvirke den formelle innplasseringa.

Vi vektlegg: 

• Plankompetanse, gjerne i kombinasjon med prosesskompetanse og prosjektleiing
• Kjennskap til og erfaring frå offentleg forvaltning, gjerne frå kommunesektoren 
• Erfaring med arbeid innan fagområdet vassforvaltning hos offentleg etat, konsulentverksemd eller liknande 
• Erfaring frå arbeid i eit vassområde eller ein vassregion
• God kunnskap om vassforskrifta og plan- og bygningslova 
• Gode evner til samarbeid og kommunikasjon både internt og ut mot kommunar og samarbeidspartnarar 
• Driv og evne til å arbeide sjølvstendig og systematisk, og at du er løysingsorientert 
• Stort engasjement for fagområdet og evne til å tenke heilskapleg  

Personlege eigenskapar

Vi ser etter deg som:

• har gode samarbeidsevner og positiv innstilling
• har evne til å ta initiativ og ansvar 
• kan arbeide strukturert og sjølvstendig
• er nytenkande og løysingsorientert
• har gode formidlingsevner, både munnleg og skriftleg

Vi tilbyr

• Faglege og personlege utfordringar i eit godt og inspirerande arbeidsmiljø.
• Gode offentlege pensjons- og forsikringsordningar.
• Fleksibel arbeidstid.
• Løn etter avtale.

Nærmare informasjon om organisering av vassforvaltningsarbeidet finn du på Vannportalen.no

Har du spørsmål eller berre lyst å høyre meir om jobben? Ikkje nøl med å ringe, vi fortel gjerne.

Kontaktinformasjon

Merete Farstad, Fagkoordinator vassforvaltning, 97742381, merete.farstad@vlfk.no
Endre Høgalmen, Seksjonsleiar naturressursar, landbruk og reiseliv, 95207789, endre.hogalmen@vlfk.no

Arbeidsstad

Lars Hilles gate 12
5008 Bergen

Nøkkelinformasjon:

Arbeidsgivar: Vestland fylkeskommune

Referansenr.: 4975022883
Stillingsprosent: 100%
Fast
Søknadsfrist: 18.08.2025