Hausten 2025 skal Stord kommune opne eit nytt bufellesskap for personar med funksjonsnedsettingar i Kåreviksmarkjo. Her skal det bu 7 aktive, unge menneske som treng bistand i kvardagen.

Me ønskjer å setja saman eit godt lag av tilsette som vil vere med å bygge opp ei ny avdeling. Me treng tilsette med ulik kompetanse og erfaring. Stillingane er i turnus med ein stor del kveldsvakter og vil ha arbeid anten kvar tredje eller kvar fjerde helg.

Avdelinga har ledig fast 50% stilling og 5 faste helgestillingar for miljøarbeidar eller pleiemedhjelparar.

Stillingane har arbeid anten kvar tredje eller kvar fjerde helg, og helgestillingane varierer i stillingsstorleik mellom 13 og 25%.Helgestillingar er godt eigna for studentar i helsefag.

Miljøarbeidar/pleiemedhjelpar har ansvar for:

• Utføra helse- og omsorgsoppgåver etter rettleiing frå fagpersonale, og etter fagleg standard

• Miljøarbeidarar skal rettleia anna personale i høve eige fag

• Følgja opp andre tildelte oppgåver

• Dela eiga kunnskap med alle kollegaer, elevar og studentar

• Førebyggja og identifisera bruk av <<tvang og makt>>

• Halda høg etisk standard i avdelinga

• Samarbeida og dela kompetanse på tvers av avdelingane

• Utføra og følgja opp andre tildelte oppgåver

Kvalifikasjonskrav:

• Autorisert helsefagarbeidar, fagbrev som barne- og ungdomsarbeidar, student innan helsefag eller pleiemedhjelpar med erfaring og/eller interesse for arbeid med brukargruppa.

• Gode norskkunnskapar, munnleg og skriftleg.

• Personlege eigenskapar vert vektlagt ved tilsetting.

• Ved tilsetjing vil det bli stilt krav om at ein legg fram politiattest av ny dato.

Me kan tilby:

• Eit positivt og godt arbeidsmiljø med spennande arbeidsoppgåver

• Engasjerte kollega med ulik erfaring og kompetanse

• God opplæring og oppfølging

• Inkluderande arbeidsmiljø – IA bedrift

• Bedriftshelseteneste

• Stord ve og vel med moglegheit for leige av leilegheiter i Røldal, Husøy med båt og utleige av diverse utstyr

• Lønn og arbeidsvilkår etter gjeldande lov- og avtaleverk

• Offentlig tenestepensjon

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

Kontaktperson; Avdelingsleiar Tonje Halstensen Brørvik, tlf 984 74 607 eller einingsleiar Esther Aasen Bjelland, tlf 975 52 097