Solund kommune har ledig spanande stilling som personalmedarbeidar. I denne stillinga vil du få ei viktig rolle på tvers av organisasjonen for å ivareta og utvikle personalarbeidet i kommunen. Du kjem til å arbeide tett med kommunedirektør og andre leiarar for å ivareta dei tilsette og rekruttere nye medarbeidarar.   

Til stillinga ligg forskjellige oppgåver som:

• delta i møte med hovudtillitsvalde og vernetenesta
• førebu og delta i lokale lønsforhandlingar
• oppdatering av reglement og rutinar innanfor personalområdet.

I utgangspunktet ligg oppgåver knytt til lønskøyring og sjukerefusjon til stillinga. Men Solund kommune har også for tida utlyst stillingar som stabsmedarbeidar og fleire av dei tilsette i staben nærmar seg pensjonsalder, så endring av fordeling av arbeidsoppgåver internt i staben kan bli aktuelt. 

Du har gjerne høgare utdanning og relevant erfaring innan personal og løn. Du er trygg i møte med medarbeidarar og leiarar, arbeider systematisk og er fagleg sterk. Vi legg meir vekt på erfaring og eignaheit enn utdanning. Vi nyttar økonomi og HR-system frå Visma og NetPower Kvalitet som internkontrollsystem. Kjennskap til desse eller liknande system er ein fordel. 

Vi tilbyr:

• Variert, tverrfagleg samarbeid
• Løn iflg. tariff
• Fleksitid og moglegheit for delvis heimekontor
• Kjekke kollegaer
• I denne stillinga har du rett på ei av Noregs sikraste pensjonsordningar: offentleg tenestepensjon. Der dei fleste tenestepensjonar berre utbetalast i 10 år, er offentleg tenestepensjon ei utbetaling som varer frå den dagen du sluttar å jobbe og livet ut. Les meir om medlemsfordelane i KLP her. 

Om dette verkar spanande og du har relevant utdanning eller erfaring, slå gjerne på tråden til stabsleiar Amund. Han gler seg til å høyre frå deg!

Vi gjer merksam på at søkjarliste er offentleg informasjon. Du kan be om at namnet vert unnateke offentlegheit, men då må du grunngje dette skriftleg, jf. § 25 i offentleglova. Om kommunen ikkje kan innvilge søknaden, vil du bli varsla før søkjarlista vert ferdigstilt.

Solund kommune har vurdert marknadsføring av stilling, og ynskjer berre kontakt med søkjarar.

Link til søknadsskjema: Søk her