Alver kommune er med sine 30 000 innbyggjarar og 2700 tilsette ein av dei største kommunane i Vestland fylke. Vi er i ein spennande fase med omfattande utviklings- og omstillingsarbeid, og søkjer ein engasjert og strategisk HR-leiar som får ei viktig rolle i dette arbeidet. Nøkkelen til å lykkast med utvikling og omstilling er menneska i organisasjonen, og som HR-leiar er du sentral i dette arbeidet.

Du får ansvar for å leie og vidareutvikle vår HR- og lønnsavdeling med 17 medarbeidarar med høg kompetanse, stort fagleg engasjement og godt arbeidsmiljø. Vi legg stor vekt på medverknad og samarbeid med tillitsvalde og vernetenesta.

Dine ansvarsområde:

• Leie og vidareutvikle HR- og lønnsavdelinga
• Bidra i kommunen sitt omstillings- og utviklingsarbeid 
• Sikre god koordinering og støtte til leiarar i heile organisasjonen 
• Ivareta eit godt partssamarbeid og arbeidsgjevaransvar for frikjøpte hovudtillitsvalte og hovudverneombod
• Styrkje det langsiktige og systematiske HR-arbeidet

Du har desse kvalifikasjonane:

• Høgare relevant utdanning 
• Leiarerfaring, gjerne frå likande stillingar/ansvar 
• God kompetanse innan relevant lov- og avtaleverk 
• God muntleg og skriftleg framstillingsevne

Vi ønskjer at du:

• har erfaring frå offentleg forvaltning
• evner å veksle mellom strategisk blikk og operative gjennomføring. 
• har gode relasjons- og samarbeidsevner, og veit korleis du byggjer eit lag. 
• evner å motivere, engasjere og viser retning i samspel med organisasjonen.
• har ei analytisk og systematisk tilnærming med evne til strategisk tenking og heilskaplege vurderinger.
• har engasjement for godt partssamarbeid.

Vi søker deg som blir motivert av å sjå moglegheitene. Du trivst med store oppgåver, likar å ta ansvar og er trygg nok til å ta plass. Kanskje er du på veg opp og ser etter ei rolle du kan vekse i? Hos oss får du moglegheita. Personlege eigenskapar blir tillagt stor vekt i vurderinga. 

Dette kan du forvente: 

• Ei viktig leiarrolle med stort handlingsrom 
• Ei kompetent og engasjert HR- og lønnsavdeling
• Ein kommune i endring, med klar retning og sterk drivkraft i samfunnsoppdraget vårt 
• Ei leiargruppe som spelar kvarandre gode  
• Konkurransedyktige vilkår, samt gode pensjons- og forsikringsordningar 

 
Søknadsfrist: 4.5.2025 

Ønskjer du ein uforpliktande prat om stillinga, ta kontakt med vår rådgivar i Human, Morten Myhren på telefon 48 22 46 60.  

Det vert utarbeidd offentleg søkarliste i tråd med krava i offentleglova. Dersom du bed om unntak frå oppføring på lista, men ønsket ikkje vert tatt til følgje, blir du varsla før offentleggjering.