Hospitaldrift Transport er ei av einingane i Hospitaldrift som igjen er ein del av Drift/teknisk divisjon som består av hovudparten av sjukehuset sine ikkje-medisinske avdelingar. Vi utfører portørtenester, forsyningstenester, avfallshandtering og andre internetransporttenester for helseføretaket, og er ein viktig bidragsytar for god pasientflyt og logistikk for heile sjukehuset. Vi har om lag 120 medarbeidarar og er delt i tre seksjonar; Pasientportørteneste, Forsyningsteneste og Miljøhall- og varetransport. Vi er lærebedrift i logistikkfaget, portørfaget og gjenvinningsfaget, og satsar på utdanning av både lærlingar og fast tilsette.

Miljøhall og varetransport er ein intern serviceseksjon med drift alle dagar i året. Våre hovudaktivitetar er avfallsinnsamling og sortering ved sjukehuset, samt transport av tøy, varer, medisinar og avfall mellom ulike lokasjonar innan helseføretaket. Vi utfører også flyttetenester. Miljøhallen er plassert i ein fjellhall bak sentralblokka og seksjonen består for tida av seksjonsleiar, 20 tilsette og ein lærling. Vi set trivsel på arbeidsplassen høgt og har eit kontinuerleg fokus på HMSK.  

Vi søker nå etter to transport- og gjenvinningsoperatørar til fast 100% stilling. Stillingstittel vil avvike frå utlysingstittel, og blir "fagarbeider" eller "Portør"

Vi jobbar for tida i turnus, med vakt på dag, kveld og helg.
Normalt vil du i løpet av ei firevekers periode jobbe 5 kveldsvakter og ei helg. Dagvakt er for tida 07:00-15:00 måndag til sundag, kveldsvakt er 13:00-20:30 måndag til fredag. Det må påreknast arbeid inntil 4 helligdagar per år.

Oppgåvene kan vere fysisk krevande. Vårt arbeidsspråk er norsk, og gode norskkunnskapar, skriftleg så vel som munnleg, er nødvendig.

Tiltredelse snarest. Vi reknar med at kandidatar har 3 månaders oppseiing i noverande arbeidsforhold.

Arbeidsoppgåver

• Sjåføroppgåver knytta til seksjonens biler og oppdrag, med hovudvekt på innhenting av avfall. (Komprimatorbil, skapbil med bakløft og varebil)
• Mottak og sortering av avfall i miljøhallen
• Handtering av farleg avfall
• Truck-kjøring, som lasting, lossing og andre løfteoperasjonar
• Makulere papir
• Kunderettleiing
• Opplæring og oppfølging av lærlingar. Det er ønskeleg at du blir instruktør i gjenvinningsfaget
• Utføre mindre flytteoppdrag i Helse Bergen HF
• Vask og vedlikehald
• Forefallande oppgåver
• Ta del i alle seksjonens oppgåver ved behov
• Arbeidet er til tider fysisk krevande

Ønskelige kvalifikasjonar

• Førarkort klasse C
• Gyldig YSK gods
• Truckførarbevis klasse T1 og T4
• Relevant kompetanse innan avfall, særleg farleg avfall
• Fagbrev i gjenvinningsfaget og/eller yrkessjåførfaget
• Relevant yrkeserfaring

Personlege eigenskapar

• Du er påliteleg, imøtekommande og løysingsorientert
• Du viser lagånd og jobbar for å gjere kvardagen enklare for dine omgivnadar
• Du arbeider sjølvstendig og samarbeider godt med andre
• Du er full av arbeidslyst og glede
• Du er serviceinnstilt og fleksibel
• Du er ein god kollega og bidrar aktivt til eit godt arbeidsmiljø
• Du har god arbeidskapasitet og løyser oppgåvene dine med overskudd

Vi tilbyr

• Lønn i samsvar med gjeldande overeinskomst
• Eit aktivt og triveleg arbeidsmiljø
• Gode pensjons- og forsikringsordningar
• Bedriftsidrett
• God tilkomst med kollektivtransport og moglegheit for tilsettparkering
• Bedriftsbarnehagar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Erik Njaastad Bauge, Seksjonsleiar, 91395660

Arbeidsstad

Haukelandsveien 26 B
5009 Bergen

Nøkkelinformasjon:

Arbeidsgivar: Helse Bergen HF

Referansenr.: 4954630562
Stillingsprosent: 100%
Fast
Søknadsfrist: 28.04.2025