Bargoviidodat virggis

Sámi allaskuvllas lea Giella-, duodji- ja servvodatdieđagoađis lea rabas 100 % bistevašvirgi
sámi girjjálašvuođadiehtagis vuosttašamanueansan, vuosttašlektorin dehe allaskuvlalektorin.

-Oahpahit, bagadallat, sensureret ja jođihit sámegiela ja sámi girjjálašvuođa oahppofálaldagain, vuosttažettiin girjjálašvuođaheađálaš fágasuorggi fágain.
-Bargat dutkan- ja ovdánahttindoaimmaiguin Sámi allaskuvlla oahpuid strategiijaplánaid mielde.

Gelbbolašvuođagáibádusat

Virgái ohcat olbmo geas lea doavttergráda, dahje vástideaddji gelbbolašvuohta, sámi girjjálašvuođadiehtagis dahje dábálaš girjjálašvuođadiehtagis mii čatnasa sámi girjjálašvuhtii. Jus eai leat ohccit geain lea doavttergrádaoahppu, de árvvoštallojuvvojit
ohccit geain lea mastergráda sámi girjjálašvuođadiehtagis dahje dábálaš girjjálašvuođadiehtagis mii čatnasa sámi girjjálašvuhtii.
– Relevánta bargohárjáneapmi deattuhuvvo. Virggehasas galget leat buorit ovttasbargo- ja geabbilvuođa attáldagat, buorit gulahallanattáldagat ja dáidu bargat iešheanalaččat ja
beroštupmi fágaidrasttideaddji doaimmaide.
– Virgái gáibiduvvo dokumenterejuvvon oahpahanfágalašgelbbolašvuohta. Jus ohccis
váilu oahpahanfágalašgelbbolašvuohta, eaktuduvvo háhkat dán gelbbolašvuođa guovtti jagi sisa virgádeami rájes. Forskrift om ansettelse og opprykk i forsker- og
undervisnignsstillnger § 3-9.
– Gáibiduvvo buorre njálmmálaš ja čálalaš máhttu davvisámegielas. Bargi galgá máhttit dárogiela dahje eará skandinávalaš giela čálalaččat ja njálmmálaččat, ja vel hálddašit
eŋgelasgiela.
-Jus unnimusat guovtti ohccis lea sullii ovttadássásaš gelbbolašvuohta, de vuoruhuvvo dat geas lea oahpahanhárjáneapmi ja bargohárjáneapmi sámegiela girjjálašvuođadiehtagis dasto árvvoštallo vástideaddji gelbbolašvuohta.

-Virggi ja goađi bargoviidodat ja ovddasvástádussuorggit sáhttet rievdat ásahusa dárbbuid mielde.

– Gáibiduvvo buorre njálmmálaš ja čálalaš máhttu davvisámegielas. Bargi galgá máhttit dárogiela dahje eará skandinávalaš giela čálalaččat ja njálmmálaččat, ja vel hálddašit
eŋgelasgiela.
-Jus unnimusat guovtti ohccis lea sullii ovttadássásaš gelbbolašvuohta, de vuoruhuvvo dat geas lea oahpahanhárjáneapmi ja bargohárjáneapmi sámegiela girjjálašvuođadiehtagis dasto árvvoštallo vástideaddji gelbbolašvuohta.

-Virggi ja goađi bargoviidodat ja ovddasvástádussuorggit sáhttet rievdat ásahusa dárbbuid mielde.

Gelbbolašvuođagáibádusat virgái leat meroštallojuvvon láhkaásahusas Forskrift 9.2.2006 nr. 129 om ansettelse og opprykk i undervisnings- og forskerstillinger, vrd. muhttádusnjuolggadusa § 13-2 Forskrift til universitets- og høyskoleloven (universitets- og høyskoleforskriften).

Mii fállat

Mii fállát earet eará: 

• Virggi mas ovdánahttinvejolašvuođat, viiddis ja máŋggabealat fágabirrasis
• Máŋggabealat čálgofálaldagaid ja heivehahtti bargoáiggi
• Buori bargobirrasa gos alla gelbbolaš bargit iešguđetge fágasurggiin
• Ealli sámegielbirrasa guovddáš sámi guovllus 

Sámi allaskuvlla fágabargiid bargoresurssat juhkkojuvvojit oahpahandoaimmaid, dutkan- ja ovdánahttinbargguid ja hálddašanbargguid gaskka, ulbmilin joksat allaskuvlla fágalaš mihtuid ja alla fágalaš kvalitehta. 

Bálká

Virgi bálkáhuvvo Stáda bálkáregulatiivva mielde. Bálká mearriduvvo ohcci oahpu ja bargohárjáneami vuođul čuovvovaš virgekodaid mielde:

 Vuosttašamanueansa – virgekoda 1011- bálká gaskal : 646000 – 745000, bálkáceahkki 66 – 74 

Vuosttašlektor virgekoda 1198 – bálká gaskal : 615 700 – 745000, bálkáceahkki 63 – 74 

Allaskuvlalektor virgekoda 1008 – bálká gaskal : 540 500 – 679000, bálkáceahkki 55 – 69

 Bálkkás gesso 2% geatnegahtton divat Stáda penšuvdnakássii. Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas

Máŋggabealatvuohta ja searvadahttin

Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii.

Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš.

Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.

Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.

Oppalaččat

Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.

Virggehasa bargosadji lea Diehtosiiddas, muhto lea vejolaš ohcat ruovttokantuvrras beassat bargat.

Ohccit sáhttet gohččot bargojearahallamii ja doallat geahččalanlogaldallama.

Fárrendoarjja máksojuvvo stáhta njuolggadusaid mielde.

Finnmárkkus lea sierra ortnet geahpedit lohkanloana ja vearrogeahpádus.

Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.

Dievdoolbmot ávžžuhuvvojit ohccát virgái universitehta- ja allaskuvlalága (ual.) § 7-1 vuođul. Jus leat guokte dahje eambbo ohcci geain lea sullii ovttadássásaš gelbbolašvuohta, de vuoruhuvvo dievdoolmmoš ovddabeallai nissonolbmo, gč. ual. 7- 1 (2) gos boahtá ovdan ahte galgá deattuhit dásseárvvu virgáibidjamis.

Virggis lea 6 mánu geahččalanáigi.

Ohcan

Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin:

• CV 
• Duođaštuvvon oahppo- ja bargoduođaštusat
• Ollislaš listu dieđalaš publikašuvnnain
• Relevánta publikašuvnnat
• Duođaštus oahpahanfágalaš/vuođđo pedagogalaš gelbbolašvuođas
• Eará relevántta duođaštusat, omd bargoduođaštusat jna.
• Bivdit du maiddái almmuhit guokte (2) referánssa

Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget telefovdnii: 75 54 22 20.

Oktavuođadieđut

Eanet dieđuid virggi birra oažžu goahtejođiheaddjis Risten Länsman, tlf. +47 784 48 550/ +47 951 39 557, epoasta: ristenl@samas.no