I Vest politidistrikt, ved geografisk drifteining Bergen, Askøy og Øygarden, tenesteeining Bergen sentrum, Seksjon for etterforsking av vald og sedelighetsovertredelsar, er det ledig to faste stillingar som politioverbetjent (SKO 0287) med funksjon som politifagleg etterforskingsleiar (PEL). Den eine stillinga er knytt til valdsavsnittet, medan den andre gjeld sedelighetsavsnittet.

Seksjonen for etterforsking av vald og sedelighetsovertredelsar består av om lag 50 etterforskarar, fordelte på tre avsnitt: avsnitt for vald, avsnitt for sedelighet og avsnitt for valdstekt. Kvart avsnitt er organisert i tre team, med faste teamleiarar og påtalefaglege etterforskingsleiarar (PÅL) tilknytt teama. Seksjonen har også to dedikerte fagkontaktar for digitalt beslag, samt ein sivilt tilsett som har ansvar for å skrive avhøyr.

Arbeidsoppgåver

• Hovudetterforskar og etterforskingsleiar i større og komplekse saker som er nemnde i lokal straffesaksinstruks
• Gjennomføre etterforskingssteg i eigne saker og hjelpe seksjonen med avhøyr ved behov
• Hjelpe teamleiar i planlegging av tilrettelagde avhøyr ved behov
• Yte fagleg rettleiing til avsnittet, under dette etterforskingsoppgåver ved behov
• Sikre rett styrings og informasjonsinnhenting i straffesaker
• Bidra til god og effektiv etterforsking med kvalitet og resultatoppnåing i sakene til avsnittet
• Saman med PEL på dei to andre avsnitta, bidra til fagleg oppdatering og kunnskapsdeling på seksjonen
• Bidra med faglege innspel i planlegging og gjennomføringa av OÅO
• Halde seg oppdatert på fagfeltet, fenomenforståing og sikre erfaringsoverføring til teamleiarar og etterforskarar
• Bidra til kultur for openheit gjennom god etterforskingsleiing og aktivt medarbeidarskap
• Sørge for god kommunikasjon internt og eksternt
• Aktiv deltaking i å skape eit godt arbeidsmiljø
• Andre oppgåver pålagt av overordna

Kvalifikasjoner

Nødvendige:

• Vitnemål frå Politiskule/politihøgskule
• Tilfredstille kompetansekrava for pb3 og ha arbeid innan relevant fagfelt i minimum 5 år. Ved anna relevant bachelor eller mastergrad kan heile eller delar av kompetansekravet fråvikast
• Høg kompetanse i bruk av Indicia-prosjekt i etterforskning
• Erfaring med etterforsking av vald- og/eller sedelighetssaker
• Erfaring frå etterforskingsleiing i større komplekse saker
• God munnleg og skriftleg framstillingsevne
• Du må ha plettfri vandel og vere skikka for teneste i politiet og politiattest (uttømmande og utvida) må innhentast ved ev. tilsetting jfr. politilova § 18 og politiregisterlova § 41

Ønskeleg:

• Vidareutdanning innan etterforsking/leiing blir vektlagd
• Erfaring med veiledning og tilbakemelding
• Erfaring med Indicia-prosjekt, minimumsløysing og prosjekt i fullskala er ein fordel
• Kjennskap til og/eller erfaring frå tilrettelagde avhøyr er ein fordel

For stillinga ved avsnitt for vald er det i tillegg ønskeleg med:

• Erfaring med større mishandlingssaker, barnebortføring og/eller mistenkelige dødsfall

For stillinga på sedelighetsavsnittet er det i tillegg ønskeleg med:

• Kjennskap til og erfaring med gjennomgang av digitale beslag
• Kjennskap til NCMEC og tiltaksgruppe innanfor seksuelle overgrep

Personlege eigenskaper

• Gode leiareigenskapar med evne til å motivere medarbeidarane
• Evne å ta avgjerder og gjennomføre oppgåver under høgt arbeids- og tidspress
• Gode evner til samarbeid, leiing av etterforsking, kommunikasjon og relasjonsbyggjing
• Evne til å arbeide systematisk, og prioritere mellom ulike oppgåver og saker
• Vere ein aktiv bidragsytar til eit godt samarbeidsklima
• Samfunnsorientert med evne til å tenke heilskap og forstå eininga si rolle i samfunnsoppdraget til politiet
• Evne til å jobbe effektivt i eit hektisk arbeidsmiljø

Som medarbeidar i politiet har du høgt etisk bevisstheit, er modig og heilskapsorientert, viser respekt og er tett på. Du kan lese meir om dei etiske retningslinjene våre og medarbeidarplattform her:

https://www.politiet.no/om-politiet/jobb-i-politiet/medarbeiderplattform/ 

Vi tilbyr

• Ein utfordrande og spennande arbeidsplass for deg som vil vera med på å forma politien i framtida
• Stillinga blir lønt som politioverbetjent med funksjon som politifagleg etterforskingsleiar (0287), frå kr 800.000,- Kan bli justert i lokale lønnsforhandlinger.
• Medlemskap i Statens pensjonskasse, med mellom anna gode pensjons- og forsikringsordningar (www.spk.no)
• Gode arbeidsvilkår (t.d. trening i arbeidstida o.l.)

Generelt
Politiet meiner at inkludering og mangfald er ein styrke. Me treng medarbeidarar med ulike kompetansar, bakgrunn, erfaring og perspektiv for å bidra til endå betre oppgåveløysing. Dersom det er mogleg vil me legge til rette for medarbeidarar som har behov for det.

Dersom det er kvalifiserte søkarar med funksjonsnedsetting, hol i CV-en eller innvandrarbakgrunn, skal me kalle inn minst éin søkar i kvar av desse gruppene til intervju. For å bli vurdert som søkar i desse gruppene, det vil seie positivt særbehandla på denne måten, må søkarane oppfylle visse krav.

For å ha eit godt vurderingsgrunnlag ber me deg om å registrere utfyllande CV i rekrutteringsportalen vår og laste opp relevante attestar og vitnemål. Dersom du har funksjonsnedsetting, hol i CV-en eller innvandrarbakgrunn oppmodar me deg til å krysse av for dette i rekrutteringsportalen vår. Avkryssingane dannar grunnlag for anonymisert statistikk som alle statlege verksemder rapporterer i årsrapportane sine.

Du kan lese meir på arbeidsgiverportalen https://arbeidsgiver.difi.no/positivsaerbehandling.   

Opplysningar om deg kan bli offentliggjort sjølv om du har anmodet om ikkje å bli ført opp på søkerlista. Dersom anmodninga ikkje blir tatt til følge, vil du bli varsla om dette.

Saksnr.: 25/77679

Kontaktinformasjon

Kristine Cseresnyés, Avsnittsleiar, 97146142
Spørsmål til elektronisk søknad/ CV, Seksjon for HR,  207.HR@politiet.no

Arbeidssted

Allehelgens gate 6
5016 Bergen

Nøkkelinformasjon:

Arbeidsgiver: Vest politidistrikt

Referansenr.: 4922555991
Stillingsprosent: 100%
Fast stilling
Søknadsfrist: 23.04.2025